Zabbuli
Oluyimba olw’okutongoza ennyumba. Zabbuli ya Dawudi.
30 Nnaakugulumizanga Ai Yakuwa, kubanga onnyimusizza;
Tolese balabe bange kusanyukira nnaku yange.+
2 Ai Yakuwa Katonda wange, nnakukaabirira onnyambe era n’omponya.+
3 Ai Yakuwa, onzigye emagombe.*+
Onkuumye nga ndi mulamu; omponyezza okukka mu kinnya.*+
4 Muyimbire Yakuwa ennyimba ez’okutendereza mmwe abeesigwa gy’ali,+
Akawungeezi wayinza okubaawo okukaaba, naye ku makya wabaawo okujaguza.+
6 Bwe nnali nga sirina kintawaanya nnagamba nti:
“Sirisagaasagana.”*
7 Ai Yakuwa, wanfuula munywevu ng’olusozi bwe wandaga ekisa.+
Naye bwe wanneekweka nnatandika okutya.+
8 Ai Yakuwa, nnakukoowoolanga.+
Era nneegayirira Yakuwa andage ekisa.
9 Kigasa ki bwe nfa, bwe nzika mu kinnya?*+
Enfuufu eneekutendereza?+ Eneeyogera ku bwesigwa bwo?+
10 Ai Yakuwa, mpuliriza ondage ekisa.+
Ai Yakuwa nnyamba.+
11 Okukaaba kwange okufudde mazina;
Onzigyeemu ebibukutu n’onnyambaza essanyu,
12 Ndyoke nnyimbe* nga nkutendereza era nneme kusirika.
Ai Yakuwa Katonda wange nnaakutenderezanga emirembe gyonna.