Zabbuli
Zabbuli ya Dawudi.
144 Yakuwa Olwazi lwange,+ atenderezebwe,
Oyo ayigiriza emikono gyange
N’engalo zange okulwana entalo.+
2 Ye kwe kwagala kwange okutajjulukuka era kye kigo kyange,
Kye kiddukiro kyange era ye mununuzi wange,
Ye ngabo yange era y’Oyo gwe nneekweseemu,+
Oyo assa amawanga wansi w’obuyinza bwange.+
3 Ai Yakuwa, omuntu kye ki ggwe okumulowoozaako,
Omwana w’omuntu kye ki ggwe okumufaako?+
7 Golola emikono gyo ng’oyima waggulu;
Nnunula era mponya amazzi aganjaala,
Nnunula mu mukono gw’abagwira,+
8 Ab’emimwa egyogera eby’obulimba,
Era abagolola omukono gwabwe ogwa ddyo okulayira eby’obulimba.*
9 Ai Katonda, nja kukuyimbira oluyimba olupya.+
Nja kuyimba ennyimba ezikutendereza nga nkubirako ekivuga eky’enkoba ekkumi;
10 Nja kuyimbira Oyo awa bakabaka obuwanguzi,*+
Oyo awonya omuweereza we Dawudi ekitala ekizikiriza.+
11 Nnunula era ndokola mu mukono gw’abagwira,
Ab’emimwa egyogera eby’obulimba,
Era abagolola omukono gwabwe ogwa ddyo okulayira eby’obulimba.
12 Awo batabani baffe bajja kuba ng’ebimera ebito ebikula amangu,
Bawala baffe bajja kuba ng’empagi ez’omu nsonda ezooleddwa okuteekebwa mu lubiri.
13 Amawanika gaffe gajja kujjula gabooge emmere eya buli kika;
Ebisibo mu malundiro gaffe bijja kwala bikubiseemu emirundi nkumi na nkumi, emirundi mitwalo na mitwalo.
14 Ente zaffe eziri amawako tezijja kufuna buzibu bwonna, wadde okusowola;
Mu bibangirizi byaffe ebya lukale temujja kubaamu akaaba olw’ennyiike.
15 Abantu abali bwe batyo balina essanyu!
Abantu abalina Yakuwa nga ye Katonda waabwe, balina essanyu!+