Zabbuli
Zabbuli ya Dawudi.
28 Ggwe gwe nkoowoola, Ai Yakuwa Olwazi lwange;+
Toziba matu go nga nkukoowoola.
2 Wulira okuwanjaga kwange nga nkusaba onnyambe,
Nga nnyimusa emikono gyange eri ekisenge ekisingayo okuba munda mu kifo kyo ekitukuvu.+
3 Tonzigyaawo wamu n’ababi, wamu n’abo abakola ebirumya,+
Abo aboogera ebigambo eby’emirembe ne bannaabwe, so nga mu mitima gyabwe mulimu bintu bibi.+
4 Basasule olw’ebikolwa byabwe,+
Okusinziira ku bikolwa byabwe ebibi.
Basasule olw’emirimu gy’emikono gyabwe,
Okusinziira ku bye bakoze.+
Ajja kubamenyaamenya era tajja kubazimba.
6 Yakuwa atenderezebwe,
Kubanga awulidde okuwanjaga kwange.
Annyambye, era omutima gwange gujaguza,
Nja kumuyimbira oluyimba lwange nga mmutendereza.
8 Yakuwa ge maanyi g’abantu be;
Alinga ekigo, era alokola gwe yafukako amafuta.+
9 Lokola abantu bo era wa obusika bwo omukisa.+
Beera musumba waabwe era basitulire mu mikono gyo emirembe gyonna.+