Ba Ssanyu ab’Ekisa!

1. Ba ssanyu nnyo ab’ekisa!

Basiimibwa nnyo Katonda.

Bategeeza ’bantu bonna

’Kisa kyagalwa Katonda.

Katonda yakyolesa nnyo,

Ng’assaawo ekinunulo.

Asaasira abateefu;

Amanyi tuli banafu.

2. Ab’ekisa basiimibwa;

Katonda abasonyiwa.

Bafuna emiganyulo,

Kuba yalabika Kristo.

Booleka ekisa kino

Nga babuulira ’Kigambo,

Bagamba ’bantu: “Mugume

Obwakabaka butuuse.”

3. Abateefu baliraba

Okwagala kwa Yakuwa.

Alibalaga ekisa,

Kuba nabo bakiraga.

N’olwekyo ka tufube nnyo

’Kwoleka engeri eyo.

Tugoberere Katonda;

Bulijjo tulage ’kisa.