EKITUNDU 4

Baawuliriza Sitaani—Biki Ebyavaamu?

Adamu ne Kaawa baajeemera Katonda, ne bafa. Olubereberye 3:6, 23

Kaawa alya ekibala Katonda kye yabagaana oluvannyuma n’awaako ne Adamu

Kaawa yawuliriza omusota kye gwamugamba n’alya ku kibala ekyo. Oluvannyuma, yawaako Adamu naye n’alya.

Kye baakola kyali kikyamu—baayonoona. Katonda yabagoba mu Lusuku.

Obulamu bwabazibuwalira nnyo bo, era n’abaana baabwe. Baakaddiwa era ne bafa. Tewali kifo kirala kyonna kye baagendamu; baali tebakyaliwo.

Ng’enfuufu bw’etalina bulamu, n’abafu tebalina bulamu. Olubereberye 3:19

Abantu ab’ebika eby’enjawulo era ababaddewo mu biseera eby’enjawulo

Tufa olw’okuba ffenna twava mu Adamu ne Kaawa. Abafu tebasobola kulaba, kuwulira, oba okukola ekintu kyonna.—Omubuulizi 9:5, 10.

Tekyali kigendererwa kya Yakuwa abantu okufa. Mu kiseera ekitali kya wala, ajja kuzuukiza abafu. Bwe banaamuwuliriza, bajja kuba balamu emirembe gyonna.