EKITUNDU 8

Okufa kwa Yesu Kukukwatako Kutya?

Yesu yafa tusobole okuba abalamu. Yokaana 3:16

Abakazi batunula mu ntaana ya Yesu, kyokka taliimu

Nga wayiseewo ennaku ssatu oluvannyuma lw’okufa kwa Yesu, waliwo abakazi abaagenda ku ntaana ye kyokka ne basanga ng’omulambo gwe teguliimu. Yakuwa yali azuukizza Yesu.

Yesu ng’alabikira abatume be, ne bwe yala ng’addayo mu ggulu

Oluvannyuma Yesu yalabikira abatume be.

Yakuwa yali azuukizza Yesu ng’ekitonde eky’omwoyo eky’amaanyi ekitafa. Abayigirizwa ba Yesu baamulaba ng’agenda mu ggulu.

Katonda yazuukiza Yesu era n’amufuula Kabaka w’Obwakabaka bwa Katonda. Danyeri 7:13, 14

Yesu ng’atudde ku ntebe ye ey’Obwakabaka, ng’afuga abantu mu nsi empya

Yesu yawaayo obulamu bwe ng’ekinunulo ku lw’abantu bonna. (Matayo 20:28) Olw’ekinunulo ekyo, Katonda ajja kutuwa obulamu obutaggwaawo.

Yakuwa yalonda Yesu nga Kabaka ow’okufuga ensi. Abantu abeesigwa abawerera ddala 144,000 abazuukizibwa ne bagenda mu ggulu be bajja okufuga naye. Yesu awamu n’abo 144,000 be bakola gavumenti ey’omu ggulu ey’obutuukirivu—Obwakabaka bwa Katonda.—Okubikkulirwa 14:1-3.

Obwakabaka bwa Katonda bujja kufuula ensi yonna olusuku lwa Katonda. Entalo, obumenyi bw’amateeka, obwavu, n’enjala bijja kuggwaawo. Abantu bajja kuba mu ssanyu erya nnamaddala.—Zabbuli 145:16.