ESSOMO 18

Ebiganyula Abakuwuliriza

1 Abakkolinso 9:19-23

MU BUFUNZE: Leetera abakuwuliriza okufumiitiriza, w’omalira okwogera babe nga bawulira nti balina ekintu eky’omugaso kye bayize.

Lowooza ku bintu abakuwuliriza bye bamanyi. Mu kifo ky’okwogera obwogezi ku bintu bye baawulirako, bayambe okutunuulira ensonga mu ngeri ey’enjawulo.

Bw’oba oyogera ku bintu ebimanyiddwa, tobirwako nnyo, naye ebintu ebipya binnyonnyole bulungi.
Noonyereza era fumiitiriza. Bwe kiba kisoboka, kozesa ekyokulabirako eky’ekintu ekitamanyiddwa nnyo oba ekyakabaawo, okunnyonnyola ensonga enkulu. Weekenneenye by’ogenda okuyigiriza n’engeri gye bikwataganamu n’ekyokulabirako ky’ogenda okukozesa.

Nga weekenneenya by’ogenda okuyigiriza abalala, weebuuze ebibuuzo nga bino: ‘kiki, lwaki, ddi, wa, ani, ne mu ngeri ki.’ Bw’oba owa emboozi, buuza ebibuuzo ng’ebyo nga bw’obiddamu, osobole okuginyumisa.
Laga omuganyulo oguli mu ebyo by’oyigiriza. Laga engeri ebyawandiikibwa by’osoma gye bisobola okuyambamu abakuwuliriza mu bulamu bwabwe obwa bulijjo. Yogera ku mbeera ezaaliwo, endowooza z’abantu n’ebintu bye baakola, abakuwuliriza bye basobola okufunamu eky’okuyiga.