Abavubuka​—Yakuwa Mumutwala nga Mukwano Gwammwe Asingayo?

Ngeri ki z’onoonya mu muntu gw’oyagala okufuula mukwano gwo? Oyinza okuba ng’oyagala omuntu omwesigwa, ow’ekisa, era omugabi. Yakuwa alina engeri ezo zonna. (Kuv 34:6; Bik 14:17) Bw’omusaba, awuliriza essaala zo. Akuyamba nga weetaaga obuyambi. (Zb 18:19, 35) Ate era, bwe weenenya ebibi byo akusonyiwa. (1Yo 1:9) Yakuwa ye mukwano gwaffe asingayo!

Oyinza otya okufuuka mukwano gwa Yakuwa? Soma Ekigambo kye osobole okuyiga ebimukwatako. Mubuulire ebikuli ku mutima. (Zb 62:8; 142:2) Kirage nti osiima ebyo Yakuwa by’atwala nga bikulu, gamba ng’Omwana we, Obwakabaka bwe, n’ebisuubizo bye ebikwata ku biseera eby’omu maaso. Buulira abalala ebimukwatako. (Ma 32:3) Bw’onoofuba okuba n’enkolagana ey’oku lusegere ne Yakuwa, ajja kuba mukwano gwo emirembe gyonna.​—Zb 73:25, 26, 28.

MULABE VIDIYO, ABAVUBUKA​—“MULEGEEKO MULABE NTI YAKUWA MULUNGI,” OLUVANNYUMA MUDDEMU EBIBUUZO BINO:

• 

  Biki by’osaanidde okukola okusobola okutuuka ku kwewaayo n’okubatizibwa?

• 

  Abalala mu kibiina bayinza batya okukuyamba okuweereza Yakuwa?

• 

  Okubuulira kuyinza kutya okukuyamba okunyweza enkolagana yo ne Yakuwa?

• 

  Buweereza ki obw’enjawulo bw’osobola okwenyigiramu?

• Ku ngeri za Yakuwa, ziruwa ezisinga okukusikiriza?