Ddala Katonda Alina Ekifo ky’Abeeramu?

Bayibuli ky’Egamba

Yee. Katonda alina ekifo ky’abeeramu. Abeera mu ggulu. Lowooza ku bino Bayibuli by’egamba:

Bwe yali asaba, Kabaka Sulemaani yagamba nti: “Owuliranga ng’oyima mu ggulu, ekifo ky’obeeramu.”—1 Bassekabaka 8:43.

Yesu yagamba abayigirizwa be okusaba ‘Kitaabwe ali mu ggulu.’—Matayo 6:9.

Oluvannyuma lwa Yesu okuzuukira, yayingira ‘mu ggulu mmwennyini, okulabika mu maaso ga Katonda.’—Abebbulaniya 9:24.

Ebyawandiikibwa ebyo biraga nti Yakuwa Katonda ddala gy’ali era nti tabeera buli wamu, naye abeera mu ggulu.