Footnote

c Abeekenneenya bagamba nti abasajja abo baali bakoze obweyamo obw’okuba Abanaziri. (Kubal. 6:1-21) Kyo kituufu nti Amateeka ga Musa agaali geetaagisa omuntu okukola obweyamo ng’obwo kati gaali gadibiziddwa. Wadde kyali kityo, Pawulo ayinza okuba nga muli yagamba nti tekyali kikyamu abantu abo okutuukiriza ebyo bye baali beeyamye eri Yakuwa. N’olwekyo, tekyandibadde kikyamu okubasasulira ebyo ebyali byetaagibwa era n’okubawerekerako. Tetumanyidde ddala ekyo abasajja abo kye beeyama, naye ka kibe ki kye beeyama, tekiyinzika kuba nti Pawulo yali asobola okusasulira ensolo ez’okuwaayo nga ssaddaaka (ng’Abanaziri bwe baakolanga), ng’alowooza nti ssaddaaka z’ensolo ezo zandibadde zitangirira ebibi by’abasajja abo. Okuva bwe kiri nti Kristo yali amaze okuwaayo ssaddaaka etuukiridde, ssaddaaka ng’ezo ez’ensolo zaali tezikyasobola kutangirira bibi. Ka kibe ki ekyali kizingirwa mu ekyo Pawulo kye yakola, tuli bakakafu nti yali tasobola kukkiriza kukola kintu kyonna ekyali kiyinza okumuleetera okulumirizibwa omuntu we ow’omunda.