Footnote

a Yesu bwe yali ayogera ku kabonero akandiraze okubeerawo kwe, yagerera abayigirizwa be engero eziwerako. Weetegereze nti yasooka kugera lugero olukwata ku ‘muddu omwesigwa era ow’amagezi,’ nga bano be b’oluganda abaafukibwako amafuta abatonotono abandibadde batwala obukulembeze mu bantu ba katonda mu nnaku ez’enkomerero. (Mat. 24:45-47) Yazzaako olugero olukwata ku abo bonna abalina essuubi ery’okugenda mu ggulu. (Mat. 25:1-30) Oluvannyuma yagera olugero olukwata ku abo abalina essuubi ery’okubeera ku nsi abandiwagidde baganda ba Kristo. (Mat. 25:31-46) Mu ngeri y’emu, okutuukirizibwa kw’obunnabbi bwa Ezeekyeri obwo okw’omu kiseera kino okusookera ddala kulaga ekyo ekyandibaddewo mu abo abalina essuubi ery’okugenda mu ggulu. Wadde nga tekiri nti buli kiseera obwakabaka obw’ebika ekkumi bukiikirira abo abalina essuubi ery’okubeera ku nsi, okugattibwa kw’emiggo okwogerwako mu bunnabbi obwo kutujjukiza obumu obuliwo wakati w’abo abalina essuubi ery’okubeera ku nsi n’abo abalina essuubi ery’okugenda mu ggulu.