Yoleka Okwagala Okuviira Ddala ku Mutima

1. Okwagala kusibuka

Munda ddala mu mutima;

Kutuleetera ’kufaayo

Ku baganda baffe.

Bwe tubeera n’okwagala

Tetulemwa kukwoleka;

Ekisa ng’ekya Katonda,

Tujja kukiraga.

Ka tufengayo ddala,

Kw’abo abali mu bwetaavu,

Twoleke obulungi

Eri abantu bonna.

Tuwa ’balala ’kitiibwa;

Era tubalumirirwa.

Tetukuliriza nsobi.

Tubeerenga beesigwa,

Tukuumenga obumu.

2. Bwe tubeera n’okwagala,

Tetujja kunyiiga mangu;

Tujja kussa obwesige

Mu baganda baffe.

Twekolera emikwano;

Tuwaŋŋana ekitiibwa.

Tukuŋŋaana ne bannaffe,

Okwezza obuggya.

Ffenna ffenna tusobya;

Oluusi tulumya ’balala.

Twagalenga nnyo bonna

Katonda b’ayagala.

Tujja kubeeranga bantu,

Abazimba abalala.

Yolekanga okwagala,

Gulumiza Yakuwa;

Koppa okwagala kwe.