Yawˇ huiˉ maˬ Saˍtanˍ Hkawˇ htaꞈ Na yuˬ leh Aˬ htoꞈ ma Hpehꞈ la ve le

Aˍdanˍ leh Eˇvaꞈ Gʼuiˬ sha hkawˇ htaꞈ maˇ na ve pa taw, suh ve yoˬ. Awˬ hkuiˉ puiˍ 3:6, 23

Eˇvaꞈ vuiˬ hkawˇ htaꞈ na leh iˉ shiˍ caˇ ve yoˬ. Peuˬ leh Aˍdanˍ htaꞈ htawˇ caˍ piˇ leh yawˇ htawˇ caˇ ve yoˬ.

Yawˇ hui te ve teˇ ceuˬ yaꞈ leh venˇ baˆ hpehꞈ ve yoˬ. Gʼuiˬ sha yawˇ huiˉ maˬ ve chehˇ kuiˬ Paˍraˍdiˇsuˆ hkʼaw tawˆ kʼai tcuh ve yoˬ.

Yawˇ huiˉ maˬ ve a shaꞈ leh yawˇ huiˉ maˬ ve yaˇ hpehꞈ haˍ jaˇ. Yawˇ huiˉ maˬ mawˇ kʼai leh suh˗e ve yoˬ. Yawˇ huiˉ maˬ awˬ ha ku chehˇ kuiˬ mvuhˇ miˬ lo maˇ kʼai. Yawˇ huiˉ maˬ maˇ kʼawꞈ teꞈ chehˇ˗o.

Suh peuˬ ve chaw jeꞈ hkʼa shuˍ a shaꞈ maˇ teꞈ chehˇ ve yoˬ. Awˬ hkuiˉ puiˍ 3:19

Ngaˬ hui teˇ gʼaˇ le le Aˍdanˍ leh Eˇvaꞈ geh laˬ ve pa taw, ngaˬ hui htawˇ suh ve yoˬ. Suh peuˬ ve chaw maˇ mawˬ puiˉ, maˇ kaˇ puiˉ, teꞈ chiˉ kaꞈ maˇ te puiˉ ve yoˬ.—Cuˇ yiˍ piˇ ve 9:5, 10.

Chaw yaˇ suh puiˉ tuˬ Yaˬhoˉvaˬ dawˇ law taˍ ve maˇ heˆ. Maˇ maw maw kʼo, tuˍ hpfuh awˬ hkʼaw lo zuhꞈ taˍ ve chaw htaꞈ yawˇ teꞈ tu la piˇ tuˬ yoˬ. Yawˇ hui Gʼuiˬ sha hkawˇ htaꞈ na yuˬ ve kʼo, co co taiˍ taiˍ gʼa teꞈ chehˇ tuˬ yoˬ.