Iˉ kaˆ lonˉ Htonˍ Htaˇ A shu Na yuˬ leh Maˇ Na yuˬ ve le

Noˉaꞈ ve awˬ co˗e maˇ˗awˍ ve chaw maˇ daꞈ ve awˬ ceuˬ htaꞈ te ve yoˬ. Awˬ hkuiˉ puiˍ 6:5

Aˍdanˍ leh Eˇvaꞈ yaˇ cawˬ la leh, miˬ guiˬ hkʼoˆ chaw yaˇ maˇ la ve yoˬ. Mvuhˇ naw ma tcuh yaˇ teˇ hpaˍ hpaˍ Saˍtanˍ geh teˇ geh hpfuhˆ ve yoˬ.

Yawˇ hui miˬ guiˬ hkʼoˆ yaꞈ la leh yaˇ miˇ htaꞈ heuˆ tuˬ, yawˇ hui chaw yaˇ hkʼa shuˍ awˬ to pa ve yoˬ. Yaˇ miˇ chi teˇ hpaˍ geh paw la ve yaˇ awˬ gʼaˇ uiˍ leh haiˬ jaˇ ve chaw lonˉ hpehꞈ ve yoˬ.

Miˬ guiˬ hkʼoˆ maˇ daꞈ ve htaꞈ te ve chaw hkʼa biˇ cawˬ la ve yoˬ. Liꞈ hpu hkʼaw kʼoˆ taˍ ve “Miˬ guiˬ hkʼoˆ chehˇ ve chaw yaˇ chi teˇ hpaˍ, dawˇ hkʼaˇ te hkʼaˇ teˇ hpaˍ hkʼaˬ ma chaꞈ chiˆ jaˇ ve htaꞈ Gʼuiˬ sha gʼa mawˬ ve” yoˬ.

Noˉaꞈ Gʼuiˬ sha hkawˇ htaꞈ na yuˬ leh haw loꞈ kʼoˍ te ve yoˬ. Awˬ hkuiˉ puiˍ 6:13, 14, 18, 19, 22

Noˉaꞈ lehˬ daꞈ ve chaw hpehꞈ ve yoˬ. Yaˬhoˉvaˬ iˉ kaˆ lonˉ htonˍ la piˇ leh haiˬ ve chaw htaꞈ te luˬ tuˬ yoˬ tehꞈ Yawˇ Noˉaꞈ htaꞈ kʼoˆ piˇ ve yoˬ.

Noˉaꞈ haw loꞈ kʼoˍ lonˉ te leh, yawˇ ve yehˬ yaˇ leh to nuˇ to shaˆ teˇ ceuˬ le le haw loꞈ kʼoˍ oˇ ve hkʼaw loꞈ˗e tcuh tuˬ Gʼuiˬ sha yawˇ htaꞈ tawˇ piˇ ve yoˬ.

Iˉ kaˆ htonˍ la ve awˬ lawn Noˉaꞈ shu htaꞈ shaˍ tiꞈ piˇ ve yo. Yaꞈ hkʼaˇ, yawˇ hui maˇ na. Chaw teˇ hpaˍ hpaˍ kʼo, yawˇ htaꞈ kʼoˆ guiˇ gʼuiˬ guiˇ ve, leh awˬ kaˍ awˬ nu chaw yawˇ htaꞈ nyi bawˬ ve yoˬ.

Haw loꞈ kʼoˍ te peuˬ ve teˇ yanˇ, Noˉaꞈ lehˬ haw loꞈ kʼoˍ hkʼaw to nuˇ to shaˆ htaꞈ shiˍ loꞈ˗e ve yoˬ.