Yaˬhoˉvaˬ awˬ bon naꞈ laˇ ve shaˉ hkiˆ teˇ hpaˍ

8:6-9, 12; 9:1-5, 23, 24

Aˍronˍ leh yawˇ ve yaˇ paˍ hui paw hkuˇ te tuˬ leuˆ leh awˉ lawˉ teˇ pawˆ tuˉ tanˇ tuˬ tanˇ htaˇ, Yaˬhoˉvaˬ ve aˬ miˍ lehˬ tanˇ tuˬ oˇ ve htaꞈ toꞈ ve yoˬ. Leuˆ yuˬ taˍ ve paw hkuˇ htaꞈ Yaˬhoˉvaˬ leuˆ yuˬ leh ga piˇ ve tehꞈ hpeuꞈ maw ve yoˬ. Iˉsaˍreˍlaˆ chaw Yaˬhoˉvaˬ paw hkuˇ hui htaꞈ ga piˇ ve gʼa mawˬ htaˇ, yawˇ hui kaꞈ gʼa ga piˇ ve tehꞈ na gʼa ve yoˬ. Chi beuꞈ teˇ co˗e Yaˬhoˉvaˬ kaꞈ Yeˍsuˆ Hkriꞈ htaꞈ cuˇ leh oˇ htaˇ aꞈ kehˉ uiˍ ve paw hkuˇ lonˉ te tcuh ve yoˬ. (Heˍ 9:11, 12) 1919 hkʼawꞈ htaˇ, Yeˍsuˆ leuˆ yuˬ taˍ ve chaw awˬ moˍ ehˉ “ka tiꞈ yeˬ leh cuˇ yiˍ cawˬ ve awˬ ceˬ” te tcuh ve yoˬ. (Maꞈ 24:45) Yaˬhoˉvaˬ ka tiꞈ yeˬ ve awˬ ceˬ chi ve htaꞈ awˬ bon naꞈ piˇ ve, ga piˇ ve, leh haꞈ yuˬ ve tehꞈ shaˉ hkiˆ aˬ htoꞈ ma cawˬ ve le?

• Yawˇ hui fawˉ mehˍ ve gʼa hpuˇ jaˇ ve htawˇ, co ha hpawˇ ve caˇ tuˬ caˉ leh gu gʼa sheˍ ve

• Tcuh kaˍ paˍ ve tawˇ hkawˇ kʼoˆ taˍ ve hkʼe, miˬ guiˬ chi hkʼoˆ lo daꞈ ve awˬ lawn sha tanˇ “teˇ kaˬ le le” maˍ kʼai tuˬ yoˬ.—Maꞈ 24:14

Ngaˬ hui ka tiꞈ yeˬ leh cuˇ yiˍ cawˬ ve awˬ ceˬ htaꞈ hkʼaˬ hkʼe te ga piˇ gʼa tuˬ le?