Gʼuiˬ sha ve kanˉ te ve hkʼaw Nawˬ ve a shaꞈ co co taiˍ taiˍ ha lehˬ gʼa ve! liꞈ kʼoˆ htaꞈ yehˇ sheˍ

Liꞈ hpu maˍ tuˬ liꞈ kʼoˆ ehˉ leh liꞈ kʼoˆ awˬ suhˉ cawˬ ve pa taw, ngaˬ hui ha lehˬ jaˇ. Chaw laiˉ gʼaˇ awˬ laꞈ gʼawˇ hpehꞈ la tuˬ ngaˬ hui ga piˇ htaˇ, Yaˬhoˉvaˬ ga laˇ tuˬ ngaˬ hui bon lawˬ ve yoˬ. (Maꞈ 28:18-20; 1 Kawˇ 3:6-9) Laꞈ caˉ awˬ suhˉ chi ngaˬ hui hkʼaˬ hkʼe yehˇ gʼa tuˬ le?

Nawˬ ve a shaꞈ co co taiˍ taiˍ ha lehˬ gʼa ve!—Liꞈ hpu htaꞈ henˇ nyi sheˍ, liꞈ kʼoˆ ehˉ awˬ suhˉ chi maˍ tuˬ awˬ hkʼaˇ awˬ suhˉ gʼa yehˇ ve pa taw, nawˬ gu leh maˍ htaˇ beˆ maˍ laˇ hkawˇ chi teˇ hpaˍ htaꞈ gʼaꞈ te sheˍ.a

• Awˬ tawn gʼaw leh na hkawˇ htaꞈ hkʼawꞈ laˇ sheˍ

• “Gʼaw” tehꞈ kʼoˆ laˇ ve Liꞈ hpu awˬ tawn gʼaw leh, Liꞈ hpu henˇ ve chaw yuˬ yehˇ tuˬ maˍ piˇ sheˍ

• VDO hpaw leh cawˬ taˍ ve na hkawˇ htaꞈ na piˇ sheˍ

• Teˇ lawn henˇ htaˇ teˇ pawˆ tiˉ henˇ peuˬ sheˍ

Hto toˇ htaˇ yehˬ shehˍ hpaˇ nyi ma pfuhˇ ve shiˍ tuˬ, liꞈ kʼoˆ chi maˍ piˇ sheˍ. (“Awˉ lawˉ teˇ pawˆ mawˬ daꞈ ve hkʼaw Nawˬ ve a shaꞈ co co taiˍ taiˍ ha lehˬ gʼa ve! yehˇ ve awˬ hkʼaˇ” awˇ ceˬ awˇ fa hkʼaw nyi sheˍ.) Liꞈ kʼoˆ ehˉ chi henˇ peuˬ leh Liꞈ hpu henˇ ve chaw kʼawꞈ henˇ gaˇ sheˍ ve kʼo, liꞈ kʼoˆ awˬ suhˉ hkʼaw awˬ tawn 04 hkʼaw tanˬ henˇ sheˍ. Nawˬ Liꞈ hpu henˇ ve chaw geh Ngaˬ hui htaꞈ maˍ laˇ ve maˇ heˆ leh Gʼuiˬ sha haꞈ laˇ tuˬ liꞈ kʼoˆ yehˇ leh maˍ piˇ chehˇ ve kʼo, jehˇ leh Nawˬ ve a shaꞈ co co taiˍ taiˍ ha lehˬ gʼa ve! liꞈ kʼoˆ yehˇ leh maˍ piˇ sheˍ. Hkʼaˬ ve teˇ lawn tanˬ henˇ tuˬ nawˬ chaˬ nyi leh dawˇ cheˆ sheˍ.

Liꞈ hpu henˇ ve haꞈ yuˬ laˇ ve VDO nyi leh na hkawˇ chi teˇ hpaˍ htaꞈ hkʼawꞈ laˇ sheˍ:

• Liꞈ kʼoˆ chi ve hkʼaw Liꞈ hpu henˇ ve chaw aˬ htoꞈ ma gʼa henˇ tuˬ le?

• Aˬ htoꞈ ma pa taw nawˬ VDO chi Liꞈ hpu henˇ ve chaw awˬ suhˉ htaꞈ hpaw maˍ piˇ cawˇ ve le?

• Liꞈ hpu henˇ ve chaw dawˇ teh taˍ ve cawˬ leh gʼaꞈ te gʼa tuˬ, nawˬ hkʼaˬ hkʼe ga piˇ gʼa tuˬ le?—Teˇ lawn le le hkʼaw “A yeˇ uiˍ ve awˬ lawn leh Dawˇ teh taˍ ve awˇ ceˬ awˇ fa” hkʼaw nyi sheˍ.