Ha pa 8 maˬ 5-11 nyi

Chiˇ mvuh ve 70-72

Kʼa muiˬ hkawˇ 59 leh bon lawˬ ve | Hpawnˬ daꞈ ve tanˬ ve tawˇ hkawˇ (1 miꞈ niꞈ)

Liꞈ hpu hkʼaw awˬ hpfuhˇ hkʼaˆ ve awˬ ceuˬ

1. ‘Awˬ hkʼawꞈ nawˉ laˬ tuˬ ve chaw teˇ hpaˍ htaꞈ nawˬ ve kanˇ paˆ awˬ lawn hto maˍ piˇ ve’

(10 miꞈ niꞈ)

Yaˬhoˉvaˬ lehˬ Daˍviˆ yaˇ nehˬ htaˇ kaꞈ haꞈ shaˉ piˇ ve tehꞈ Daˍviˆ gʼa mawˬ ve (Chiˇ 71:9; w99-SI 01/09 18 ¶17)

Daˍviˆ a shaꞈ mawˇ˗oˬ htaˇ Yaˬhoˉvaˬ yawˇ htaꞈ hkʼa dehꞈ ga piˇ ve tehꞈ yawˇ gʼa mawˬ ve (Chiˇ 71:5; g04-SI 08/10 23 ¶3)

A shaꞈ i ve chaw htaꞈ awˬ gʼaˇ piˇ tuˬ Daˍviˆ yawˇ ve hpehꞈ laˬ jaw ve awˬ lawn kʼoˆ maˍ piˇ ve (Chiˇ 71:17, 18; w14-SI 15/01 23 ¶4-5)

Yehˬ kʼa teˇ yehˬ kʼa ponˬ laˬ ve teˇ shinˉ htaˇ “Yehˬ kʼa oˉ kʼoˍ pui tuˬ awˬ pon” beˆ maˍ laˇ yehˇ ve. Yawˇ hui awˬ viˉ awˬ nyi chaw mawˇ teˇ ca htaꞈ cehˬ piˇ leh yawˇ hui ve awˬ lawn kaꞈ kʼoˆ maˍ laˇ ve yoˬ.

Nawˬ awˬ to htaꞈ na nyi sheˍ, ‘Yehˬ kʼa hkʼaw oˉ kʼoˍ pui htaˇ Hkriꞈ yaˇ awˬ moˍ hkʼaw Gʼuiˬ sha ve kanˉ te laˬ maw˗oˬ ve chaw hkʼaˬ ve teˇ gʼaˇ htaꞈ ngaˬ na nyi piˇ gaˇ ve le?’

2. Co ha hpawˇ ve shehnˉ shiˍ

(10 miꞈ niꞈ)

Chiˇ 72:8—Awˬ hkuiˉ pui ve liꞈ 15:18 hkʼaw, Yaˬhoˉvaˬ Aˍbraˍhanˍ htaꞈ ka tiꞈ te piˇ ve lehˬ jawˇ mawˇ Sawˉlaꞈmonˍ uˉ peunˍ ve awˬ yanˇ htaˇ hkʼaˬ hkʼe te awˬ tehˬ hpehꞈ la ve le? (it-1-E 768)

Nawˬ ve hkʼawꞈ laˇ hkawˇ
Chi teˇ shinˉ Liꞈ hpu gʼaw ve nawˬ aˬ htoꞈ ma awˬ bon gʼa ve le?

Nawˬ ve hkʼawꞈ laˇ hkawˇ

3. Liꞈ hpu gʼaw ve

(4 miꞈ niꞈ) Chiˇ 71:1-24 (th awˬ lawn 5)

Nawˬ hto toˇ kuiˬ lo yuˬ yehˇ tuˬ ve awˬ lawn

4. Tawˇ tanˬ yaw daꞈ ve

(3 miꞈ niꞈ) Teˇ yehˬ peuˬ teˇ yehˬ hto toˇ ve Nawˬ tawˇ yaw daꞈ chehˇ ve chaw nawˬ htaꞈ awˬ lawn cawˬ gaˇ ve kʼo, tawˇ daꞈ daꞈ yaw piˇ leh tawˆ kʼai sheˍ. (lmd awˬ lawn 4, awˬ tawn 5)

5. Nyi ma pfuhˇ ve chaw geh ca kʼawꞈ guiˇ˗e ve

(4 miꞈ niꞈ) Hto toˇ kuiˬ awˬ ti lo maˇ chehˇ htaˇ kaꞈ hto toˇ ve. Nawˬ ve awˬ viˉ awˬ nyi geh Liꞈ hpu ve awˬ lawn yaw daꞈ jaw ve. Yaꞈ hkʼaˇ, chi teˇ pawˆ yawˇ Liꞈ hpu henˇ tuˬ htawˇ dawˇ nawˬ dawˇ cawˬ ve yoˬ. (lmd awˬ lawn 8, awˬ tawn 4)

6. Nawˬ ve yonˍ hkʼaˇ htaꞈ kʼoˆ maˍ ve

(5 miꞈ niꞈ) Bon maˍ ve. ijwfq˗SI 49—Awˬ lawn lonˉ ma: Aˬ htoꞈ ma pa taw Yaˬhoˉvaˬ ve Shaˉhkiˆhkanˍ ve chaw maˍ tuˬ ve awˬ lawn teˇ hpaˍ pa ve le? (th awˬ lawn 17)

Hkriꞈ yaˇ ve a shaꞈ teꞈ hkʼaˇ

Kʼa muiˬ hkawˇ 76

7. Yehˬ kʼa hkʼaw oˉ kʼoˍ pui tuˬ awˬ pon

(15 miꞈ niꞈ) Teˇ geh jehˬ daꞈ ve.

Yehˬ kʼa teˇ yehˬ kʼa Gʼuiˬ sha ve mvuhˇ miˬ kʼa muiˬ hkawˇ kʼa ve.

Yehˬ kʼa teˇ yehˬ kʼa JW awˬ han tawˆ kuiˬ teˇ geh nyi ve.

Yehˬ kʼa oˉ kʼoˍ pui ve hkʼaw yaˇ miˇ teˇ gʼaˇ awˬ e geh tawˇ yaw daꞈ yuˬ te jawˬ ve.

Yehˬ kʼa hkʼaw oˉ kʼoˍ pui ve lehˬ, yaˇ htaꞈ Yaˬhoˉvaˬ ve tawˇ hkawˇ maˍ piˇ tuˬ a yeˇ uiˍ jaˇ ve awˬ yanˇ hpehꞈ ve yoˬ. (Efs 6:4) Henˇ ve lehˬ gʼa coˇ caˇ ve yoˬ. Yaꞈ hkʼaˇ, yaˇ Liꞈ hpu henˇ htaˇ pyawˍ ve hkʼaw te gʼa ve yoˬ. (Yoˇ 6:27; 1 Peˍ 2:2) “Yehˬ kʼa hkʼaw oˉ kʼoˍ pui tuˬ awˬ pon” awˇ ceˍ awˇ fa hkʼaw nyi sheˍ. Yehˬ kʼa hkʼaw oˉ kʼoˍ pui ve te htaˇ pyawˍ ve leh awˬ bon cawˬ tuˬ, awˬ pa awˬ e htaꞈ ga piˇ ve beˆ maˍ laˇ hkawˇ cawˬ ve yoˬ. Awˬ viˉ awˬ nyi htaꞈ na piˇ sheˍ:

Nawˬ hkʼaˬ ve teˇ hkaˇ htaꞈ yuˬ yehˇ gaˇ ve le?

Nawˬ ve hkʼawꞈ laˇ hkawˇ
Yehˬ kʼa awˬ pon awˬ bon cawˬ tuˬ nawˬ awˬ nu ve teˇ hkʼaˇ htaꞈ dawˇ mawˬ gʼa sheˍ laˇ?

Nawˬ ve hkʼawꞈ laˇ hkawˇ

Yehˬ kʼa oˉ kʼoˍ pui tuˬ awˬ pon

Liꞈ hpu:

Oˇ ve teˇ shinˉ ve Liꞈ hpu awˬ tawn awˬ hkawˇ hpaˆ ve htaꞈ na ve. Maˇ heˆ leh, Liꞈ hpu hkʼaw ve teˇ gʼaˇ leh teˇ gʼaˇ tawˇ yaw daꞈ chehˇ ve hkʼe nawˬ ve yehˬ kʼa hkʼaw ve chaw gʼaw tcuh sheˍ
Teˇ shinˉ le le Liꞈ hpu awˬ tawn gʼaw tuˬ yehˬ shehˍ hpaˇ na hkawˇ htaꞈ gu teh taˍ sheˍ. Hkʼe te leh, yehˬ kʼa hkʼaw ve chaw na hkawˇ chi teˇ hpaˍ htaꞈ leuˆ yuˬ tcuh leh pfuhˆ nyi tcuh sheˍ. Peuˬ hkʼawꞈ nawˉ, aˬ htoꞈ ma ve awˬ lawn gʼa henˇ ve teˇ gʼaˇ le le htaꞈ kʼawꞈ kʼoˆ maˍ tcuh piˇ sheˍ
Yehˬ shehˍ hpaˇ na hkawˇ gu teh taˍ ve, maˇ heˆ leh shoꞈ shaꞈ ve awˬ lawn kʼoˆ maˍ laˇ sheˍ. Hkʼe te leh, Hkriꞈ yaˇ ve a shaꞈ teꞈ hkʼaˇ hkʼaw yehˇ ve Liꞈ hpu awˬ tawn liꞈ kʼoˆ hkʼaw Liꞈ hpu ve awˬ liˇ awˬ hkʼaˇ htaꞈ ca sheˍ
Liꞈ hpu hkʼaw ve awˬ lawn te maˍ sheˍ
Teˇ shinˉ le le liꞈ kʼoˆ ehˉ hkʼaw Liꞈ hpu awˬ tawn bvuhꞈ keu sheˍ. Tawˇ pa haˉ te kʼo, Chaw yaˇ htaꞈ haꞈ ve—Awˬ laꞈ gʼawˇ hpehꞈ la tuˬ maˍ piˇ˗oˆ liꞈ kʼoˆ hkʼaw kʼoˆ maˍ ve awˬ lawn A hkʼaw cawˬ ve Liꞈ hpu awˬ tawn bvuhꞈ taˍ sheˍ. Liꞈ kʼoˆ ehˉ chi teˇ maˬ hkʼaw awˬ nu ve teˇ hpawˇ lo Liꞈ hpu hkʼaw ve awˬ lawn bvuhꞈ leh hkʼa dehꞈ tawnˇ taˍ sheˍ. Leh peuˬ laˬ ve teˇ shinˉ ve Liꞈ hpu awˬ tawn kaꞈ hkʼa dehꞈ tawnˇ taˍ sheˍ
Nawˬ ve a shaꞈ co co taiˍ taiˍ ha lehˬ gʼa ve! liꞈ kʼoˆ hkʼaw teˇ geh henˇ gʼa ve yoˬ
“Liꞈ hpu ve awˬ lawn na ve leh hkʼawꞈ ve” awˬ tawn, maˇ heˆ leh vehˆsaiˉ jw.org hkʼaw LIꞈ HPU MAˍ VE hkʼaw “Liꞈ hpu awˬ tawn kʼoˆ maˍ ve” htaꞈ cuˇ leh yehˬ kʼa hkʼaw ve chaw teˇ gʼaˇ htaꞈ kʼoˆ maˍ laˇ tcuh sheˍ

Hpawnˬ daꞈ ve:

Hpawnˬ daꞈ tuˬ teˇ geh gu ve
Hkʼawꞈ tuˬ ve teˇ geh gu ve leh te jawˬ ve
Hpawnˬ daꞈ kuiˬ hkʼaw kʼa tuˬ ve liꞈ hkawˇ kʼa jawˬ ve
Hpawnˬ daꞈ ve maˇ tanˬ sheˍ htaˇ leh hpehˇ htaˇ awˬ nu ve chaw htaꞈ awˬ gʼaˇ piˇ tuˬ ve tawˇ hkawˇ gu ve. Leh teˇ geh te jawˬ ve
Yehˬ kʼa hkʼaw ve chaw htaꞈ liꞈ henˇ yaˇ ve awˬ vuiˬ te maˍ piˇ sheˍ

Gʼuiˬ sha ve kanˉ te ve:

Teˇ yehˬ peuˬ teˇ yehˬ hto toˇ˗e tuˬ gu ve
Nyi ma pfuhˇ ve chaw geh ca kʼawꞈ guiˇ˗e tuˬ gu ve
Hto toˇ kuiˬ lo maˇ chehˇ htaˇ hto toˇ gʼa tuˬ awˬ hkʼaˇ dawˇ nyi sheˍ. Leh hkʼa sha sha˗ehˬ yaw daꞈ gʼa tuˬ te jawˬ sheˍ
Yeˍsuˆ suh ve dawˇ nawˇ tuˬ hpawnˬ daꞈ ve, liꞈ maˇ gʼa henˇ htaˇ, leh jehˇ ve awˬ nyi htaˇ, Gʼuiˬ sha ve kanˉ maˇ maˇ te gʼa tuˬ tawˇ yaw daꞈ sheˍ

Yehˬ kʼa hkʼaw loˍ ve awˬ ceuˬ:

Gʼa hpuˇ chehˇ ve leh awˬ gʼuˇ suhˍ hpawˇ gʼa hpuˇ tuˬ ve awˬ ceuˬ hkʼaˬ hkʼe te haꞈ yuˬ gʼa tuˬ tawˇ yaw daꞈ sheˍ. Tawˇ pa haˉ te kʼo, choˬ paˉ oˇ paˉ maˇ chehˇ ve, chaw haˉ yaˇ miˇ haˉ ve awˬ lawn, hti caˇ hti dawˬ ve, leh shu kʼoˆ guiˇ gʼuiˬ guiˇ laˇ ve awˬ lawn. Leh teˇ geh te jawˬ sheˍ
Yaˇ htaꞈ awˬ pa awˬ e hkʼe te leh awˬ lawn teˇ lawn htaꞈ hpfuhˆ nyi tcuh sheˍ. Leh peuˬ hkʼawꞈ nawˉ, awˬ pa awˬ e geh awˬ hkʼaˇ ca leh yaw daꞈ sheˍ

Awˬ nu ve awˬ lawn:

JW awˬ han tawˆ kuiˬ nyi leh teˇ geh yaw daꞈ ve
Vehˆsaiˉ jw.org hkʼaw awˬ lawn maˇ heˆ leh VDO nyi ve. Peuˬ hkʼawꞈ nawˉ tawˇ yaw daꞈ sheˍ
Vehˆsaiˉ jw.org hkʼaw, LIꞈ HPU MAˍ VE awˬ tawn hkʼaw, “Yaˇ nehˬ leh chaw haˉ yaˇ miˇ haˉ” maˇ heˆ leh “Yaˇ ehˉ” hkʼaw cawˬ ve awˬ lawn teˇ geh chaˬ nyi ve
Hpawnˬ daꞈ lonˉ teˇ nyi, maˇ heˆ leh hpawnˬ daꞈ lonˉ shehˆ nyi ve awˬ lawn bvuhꞈ taˍ ve htaꞈ teˇ geh yaw daꞈ ve
Yaˬhoˉvaˬ hpanˍ taˍ ve awˬ ceuˬ htaꞈ nyi leh hpfuhˆ nyi ve. Leh Yaˬhoˉvaˬ htaꞈ caˉ daꞈ ve aˬ htoꞈ ma maˍ laˇ ve teˇ geh yaw daꞈ ve
Teˇ pawˆ pawˆ kʼo, awˬ viˉ awˬ nyi htaꞈ yehˬ kʼa hkʼaw oˉ kʼoˍ pui ve te htaˇ jehˬ piˇ ve. Peuˬ leh yawˇ htaꞈ na nyi piˇ ve
Hkriꞈ yaˇ ve dawˇ teh taˍ ve aˬ htoꞈ ma te gʼa ve leh hkʼaˬ hkʼe te tuˬ tawˇ yaw daꞈ ve
Awˬ han te tawˆ la ve leh miˬ guiˬ awˬ han liꞈ teˇ geh te ve

VDO hpaw maˍ ve Nawˬ ve yehˬ kʼa hkʼaw oˉ kʼoˍ pui ve awˬ bon cawˬ maˇ la tuˬ te ve. Peuˬ leh na taˍ ve chaw htaꞈ na piˇ sheˍ:

Yaˇ yehˬ hkʼaw maˇ chehˇ˗o htaˇ, awˬ miˇ ma yehˬ kʼa hkʼaw oˉ kʼoˍ pui ve htaꞈ ha lehˬ ve cawˬ tuˬ awˬ hpawˇ hkʼaˬ hkʼe te gʼa ve le?

Nawˬ ve hkʼawꞈ laˇ hkawˇ

8. Hkriꞈ yaˇ awˬ moˍ Liꞈ hpu henˇ ve

(30 miꞈ niꞈ) w19.06 16-19 ¶11-19 leh kʼawꞈ gʼaꞈ na ve