Mwana wa-iyana wa makwele atoovenyathi-iwa

Vahora wu Israeli wali aliwa ndhala, Yohova atoom’mwandela Eliya ira: ‘Udhowe wu Zarefati. Weo i-yana mwinango wamakwele unamauva-e yodya.’ Eliya angafiile musidadimo atoom’mona i-yana osauwa thitho wamakwele asakanga khuni. Liye atoovepha ira am’va-emo ma-inje. Vahora i-yanuo vyadhowa liye marunga ma-inje, Eliya atom’mwandela thitho ira: ‘Mundidhelenao yodya vang’onove.’ Mbwenye i-yanuo aongile ira: ‘Kanina yodya yoi ninooda uva-animo. Ni-adhina visiutu vyoyeva maningi na makura oi nipiyele yodya yokwakwa miyo namwananga baa-i.’ Mbwenye Eliya atom’mwandela ira: ‘Yohova uongile ira wandiva-a, utu na makhurinyu katinomala fiyedhela dhongwe rumbwa.’

Ee-no i-yanuo atoodhowa maphiya yodya nom’va-a namaongela wa Yohova. Ninga mwaongele Yohova, i-yanula na mwanee tatookaana yodya vahora yothene yandhaliyo. Munwee wautu na wamakura, wakalecha odhalene.

Adhamale vatooireya vyongo vinango vyovwi-a tangaranga. Mwanule atoobulela maningi fiyedhela wukwa. Ee-no i-yanule atom’vepha Eliya ira am’khami-e. Eliya atom’tukula mwana akwiduo nom’dhowanee kwartuni yadhulu. Atoom’gonathi-a vakamani thitho atoolobela ira: ‘Pepani Yohova m’venyathi-eni mwanula.’

Adhaire ee-no mwanuo atokaana ingumi thitho atooroma vuma. Eliya atom’mwandela i-yanuo ira: ‘Mwaninyule u-la utokaana ingumi.’ I-yanuo atoosangalala maningi thitho atom’mwandela Eliya ira: ‘Mwaimbarimbari nyo muli mutu wa Nlungu. Ndinoonga ee-no namwasa oi nyo munoonga vinouwandelani Yohova.’ Vyairile Yohovavi vyali vyodabwi-a maningi. Ninoonga e-no namwasa oi vahoriyo kavali mutu avenyathi-iwilevo. Thitho i-yanula namwanee katali Aisraeli.