Yosiya anoodhiveliwana maningi ilamulo ya Nlungu

Yosiya aromile tonga wu Yuda angana vyawa 8. Vahoriyo atu anjinji tanoodhiveliwana vyamasenga nolambela mafwano. Yosiya angafii-idhe vyawa 16, atoodhilimbi-edha funjedha vyoonga Yohova ira am’lambelenga mofwanelela. Angafii-idhe vyawa 20, atooroma nonga mafwano nogumula mamburo othene mwemo atu mwavelela aliwa sembe dhamafwano. Angafii-idhe vyawa 26, Atooira masaka-edho oi Kachisi usaka-edhiwe okoka.

Vosaka-edha Kachisuo, ndimuwa mwinangwe dhinalee Hilikiya atoofwanya Pukutu wailamulo ya Yohova. Vyaoneya ira Pukutula alembile ali Mose. Ee-no namalemba wa Mwene, dhinalee Safani atootukula Pukutuo dhowana wa Yosiya noroma m’lerela mogweli-a madhu. Yosiya angavwide vyali Pukutunimu atoozindiyela ira atu tali tanga-iidhe m’lambela Yohova wavyawa vinjinji. Ee-no atoom’mwandela Hilikiya ira: ‘Yohova utoninyanyuwela maningi. Dhowani mumaonge naliye ira nione vyofwanelela irana.’ Yohova atoowakhula vo-indi-edha basa namaongela wa i-yana dhinalee Hulida thitho liye aongile ira: ‘Ayuda ato-iya a-rela malamulwanga. Mwaimbarimbari ndinowalanga. Mbwenye kandinoirana vyevi vahora ya Yosiya namwasa oi liye ngodhiyevi-a.’

Yosiya angavwide vyevi atoodhowa Kachisini noitani-a Ayuda othene thitho atoalerela ilamulo ya Yohova. Othene tatoolanyedha ira anoroma m’vwela Yohova na rimiwa othene.

Ayudao tali tanga-iidhe irana paskwa wavyawa vinjinji. Mbwenye Yosiya atoovwa ilamulo ira anofwanela irangana paskwa yawa iliyothene. Ee-no atoawandela Ayudao ira: ‘Dhoweni nim’mwireleni Yohova paskwa.’ Yosiya atooira masaka-edho oi vaveleliwe sembe dhinjinji thitho ira vakale atu oomba nyumbo va Kachisini. Ayudao tatooirana paskwa thitho adhamale tatooira pwando lamapau o-okaana vyotupi-a wa malambo 7. Vali va-anaireye paskwa ninga yeniyo khumela vakwide Samueli. Vyevi vinothonyi-edha ira Yosiya anoodhiveliwana maningi ilamulo ya Yohova. N’nga wee unosangalala funjedha vyoonga Yohova?