Estere atoovulumucha atu azizalee

Estere ali sikana wa Iyuda thitho akala sidadi la Susani wu Perisiya. Banja liwa latukuliwile na Nebukadinezara kumela wu Yerusalemu. Ee-no angali wu Perisiyao asamaleliwa na titiwee dhinalee Mordekai, wenuo alaba basa wa mwene Asuwero.

Vahora inango, mwene Asuwero anoofuna mwene wa i-yana wa chineneeva. Ee-no anamalabee tatoodhelana a-iyana othene obaleya amuilambonimo. Estere naliyene thitho ali mugurupulo. Mwenuo atoom’sakula Estere ira akale mwene wa-iyana. Mbwenye Mordikai atoom’mwandela ira kaonge ira liye ngu Muyuda.

Muilambonimo mwatookala mutu mwinango dhinalee Hamani. Liye aing’anela o-arela mwene thitho ali ogaya maningi moi anoofuna ira mutu uliwethene am’kokorelenga. Mbwenye Mordekai kaam’kokorela Hamani. Ee-no Hamani atoothakaleliwa maningi moi anoofuna m’pha Mordekai thitho angavwide ira Mordekai ngu Muyuda, atooira masaka-edho oi aphe Ayuda othene. Atoom’mwandela mwene ira: ‘Ayuda mbaatu oophi-a maningi, e-no munofwanela apha othene.’ Adhaire e-no atoom’va-a kopolo dhokaathi-a lamulo thitho atoom’mwandela ira: ‘Uirena yongo iliyothene inoonawee ira inokami-a.’ Hamani atookaathi-a lamulo loi aphe Ayuda othene vadambo la 13 la mwedi wa Adara. Mbwenye Yohova anoona vyongo vyothene vyevi.

Estere kaaidhiwa vya lamulo leli. Ee-no Mordekai atoom’tumizela karta loonga vya lamuloli thitho milanyu yoonga ira: ‘Dhowa umaonge na mwene vya mwasula.’ Estere aongile ira: ‘Mutu uliwethene unodhowa wa mwene a-anaitaniwe unophiwecha. Vatovira malambo 30 mwene a-anandiitane. Mbwenye ndinodhowao andithonya na golomondolee, pyoi kandinophiwa mbwenye a-airena e-no ndinophiwa.’

Estere atoodhowadi wa mwenuo thitho atoom’thonya na golomondo. Adhamale mwenuo atoom’fuka ira: ‘Estere, unofuna ndiuirelen’ni?’ Estere atoowakhula ira: ‘Ndinofuna nyo na Hamani mudhe wu pwando linofuna miyo usaka-edhelani.’ Tangadhowile pwandonio, atowavepha ira tawele dambo lo-arela. Vaulendo wanambiluo atoom’fuka Estere ira: ‘Unofuna ndiuirelen’ni?’ Liye atoowakula ira: ‘Vatokala mutu mwinango unofuna upha miyo naatu azizalanga. Pepani mwene, ndivulumucheni.’ Mwenuo atoom’fuka ira: ‘Mbaani unofuna uphani?’ Liye atoowakhula ira: ‘Ndi Hamani wamakalelo othakalula ukaathidhe vula.’ Asuwero atoothakaleliwa maningi moi atootonga ira Hamani aphiwe hora yeniyene.

Mbwenye kavali mutu nambo-ene aode dodomi-a lamulo leli. Ee-no mwenuo atoom’sakula Mordekai ira akale ndimuwa waanama-arelee thitho atom’va-a kopolo dhokaathi-a lamulo la chineneeva. Moi ee-no Mordekai atookaathi-a lamulo lova-a kopolo Ayuda ira tadhibarelenga. Dambo la 13 la mwedi wa Adara lingafiile, Ayuda tatoodhibarela waamwidaniwao thitho tatoagonji-a. Kumela vahora yeniyo, Ayuda tanooira pwando lothuulela vya dambo leli yawa iliyothene.