Panda wa Yerusalemu watoomangiwa

Viongile i-yo mu muru uvirile vya-anaireye, vatooireya vyongo vinango. Neemiya ali mu Israeli thitho alaba basa wa mwene Aritasasita wu Susani. Ee-no balee atoofiya khumela wu Yuda nom’mwandela ira: ‘Atu awelenle wu Yelusalemu anaaona nyarwa. Panda wa sidadi wanongiwile na Ababulo kunamangiweve. Vyevi vyatom’sukwali-a maningi Neemiya. Liye atoothuulela vyodhowa wu Yerusalemu dhowa makhami-a atwao. Ee-no atolobela ira mwene am’rumeli-e dhowa.

Mwene atoozindiyela ira Neemiya kaasangalala. Ee-no atom’fuka ira: ‘Weyo khunakhalecha e-ni. Ukadhi-ani?’ Neemiya atoowakhula ira: ‘Ndinofwanela oneyadi khala osukwala namwasa oi sidadi li-u la Yerusalemu kanli pama.’ Mwenuo atoom’fuka ira: ‘N’nga ndiukami-e a-vi?’ Hora yeniyene Neemiya atoolobela rimani rimani. Adhamale atoowakula ira: ‘Munooda ndirumeli-a ira ndidhowe mamanga pandee?’ Mwenuo atoorumeli-a thitho atoonechecha ira akale obareleya vaulendwee othene. Atoo-ela Neemiya ira akale namatonga wa Ayuda thitho atoom’va-a matabwa oi amasaka-edhena misuo yapanduo.

Neemiya angafiile wu Yerusalemu, atourungunuwa panda wethene. Adhamale atoagumani-a alimbo velela sembe naanamasogolela noawandela ira: ‘Nyo andimuwa, vyongo kavili pama. Dhoweni nimangeni okoka pandula.’ Atwao tatoorumela thitho basalo latooromeya.

Mbwenye a mwidani a Israeli tanowatheya noonganga ira: ‘Kandwee inooda gwi-a isipanda inyuyo.’ Mbwenye Aisraelao katabalile vyevyo thitho tatoodhowanave laba basalo. Tatoumanga pama panduo thitho waoneya ira wali olimba maningi.

Amwidaniwao tatoothuulela vyodhimbinuwela Yerusalemu khumela muvikhundu vyo-iyana i-yana. Ayuda tangavwide vyevyo tatoova. Mbwenye Neemiya atoawandela ira: ‘Kamuove Yohova unonikami-a.’ Ee-no tatoo-ela anamaing’anela oi tabarelenga atu anolaba basiyo, moi amwidanao kataodile adhimbinuwela.

Vangavirile malambo 52 basa lothene lomanga panda thitho saka-edha misuo yapanda yatoomala. Ee-no Neemiya atooitani-a Alevi othene awu Yerusalemu ira tadhaudhulele. Atooira masaka-edho oi vakale magurupu menli oomba nyumbo. Magurupwao tatoovirana valimburo logwelela panduo vamaxikada alango odhowa isimeni. Ezara na gurupu n’nango tadhowile uikhundo inango ya sidadilo, thitho Neemiya na gurupu n’nango tadhowile uikhundu inango. Tanoom’titimi-a Yohova voomba malipenga, bangwe na vyoombela vinango. Magurupu menlala, tatoogumana valimburo lelo vali kachisi. Adhamale atu othene alombwana, a-iyana naa-imene, tatoovelela sembe wa Yohova thitho tatooira pwando. Vatookala khuwa osangalala maningi.