Yesu atooirana vyodabwi-a vinjinji

Yesu atoodha vailamboi dhalaleela milanyu yapama ya Umwene wa Nlungu. Yohova atoom’va-a zimu ochena ira aodenga ira vyodabwi-a. Anooirana vyevi vofuna thonyi-edha vinofuna dhaira Yesu adhatonganga ilambo yavathila. Yesu anooda ili-a marenda aliothene. Adhowanga uliwethene, atu tanoovepha ira aaili-e thitho anoaili-adi. Anoili-a atu o-oona, o-ovwa, okwa vyano nokhumi-a viwanda. Masiki i-nda yowarayee baa-i, mutu anooda ila. Uliwethene weo wadhowa Yesu, atu tanoom’arela. Hora dhinango anoofuna khala ekene mbwenye atu tanoom’arelave thitho liye kaatamangi-a.

Dambo n’nango atu tatoom’dhana mutu okwa vyano m’mba mwali Yesu. Mbwenye kaaodile volowa namwasa oi m’mbamo mwatookhala atu anjinji. Ee-no atwao tatoophovola vadhulu vanyumba nom’thithi-edhela m’mbamo. Yesu angam’moni mutuo atoonga ira: ‘Imela uwende.’ Mutuo atooromadi wenda thitho atwao tatoodabwa maningi.

Yesu avolowanga sidadi n’nango atu 10 avikhutwe tatooimela vandendai nokhuwa ira: ‘Yesu nikhami-eni!’ Vahora yeniyo mutu okaana marenda avikhutwe, kaarumeli-wa imela vaduzi naatu. Yesu atoawandela atu avikhutwao ira tadhowe kachisini. Ilamulo ya Yohova yaonga ira mutu wavikhutwe aila, adhowenga kachisini mavioneeli-edha waalimbo velela sembe. Tangali ndhila, othene tatoozindiyela ira atoila. Vidhaireye ee-no m’mbo-i atoowela nodhowa mam’simba Yesu thitho atoom’titimi-a Nlungu. Vaatu avikhutwe 10, m’mbo-i baa-i ngwadhowile mam’simba Yesu.

Vatookhala thitho m’ma mwinango abulele wa vyawa 12 thitho anoofunechecha ila. Ee-no angam’moni Yesu atooroma m’arela no-inda usalu wa khundu mwanguwee yaundhe. Hora yeniyene atooila, adhamale Yesu atoofuka ira: “N’nga mbaani undi-indile?” i-yanuo atoova mbwenye atoodha duzi na vali Yesu nom’mwandela Yesu mwalongomano. Yesu atoom’limbi-a vom’mwandela ira: ‘I-yanawe dhowanga mwarendele.’

Thitho namasogolela mwinango dhinalee Yairo atom’vepha Yesu ira: ‘Dhoweni nyumbani wanga ira mumam’mwili-e mwananga wa-iyana wenuo unobulela maningi.’ Mbwenye Yesu a-anafiye nyumbani wa Yairo, mwanuo atookwa. Mbwenye Yesu angafiile, atoofwanya atu anjinji adhidhe dhakhala vambo-i na banjali vahora yoruchila. Yesu atoawandela ira: ‘Kamule, mwanula kakwide mbwenye unaagona.’ Ee-no atoo-inda dhandha la mwanuo noonga ira: “Sikanawe, venyathi!” Hora yeniyene atoovenyathi nokhaathi thitho Yesu atoawandela anamabalee ira mum’va-e yodya. N’nga unothuulela ira anamabaleao tavivwide a-vi tangaoni mwaniwa angana ingumi?