Yesu atoosakula arumiwi 12

Yesu angalaleele yawa nameya, anoofuneela irana vyongo vinangovyee vyofuneya maningi. Anoofuneela sakula atu avakundu ira talabenga naliye basa lolaleela. Atwala tanoofuneela thitho funji-iwa ira taodenga sogolela pingo wau Kristau liye adhadhowa dhulu. Yesu atoona ira pyofuneya ira Yohova am’kami-e vosakula atwala. Ee-no atoodhowa mwangoni ekene thitho atoolobela ma-iyu othene. Undhe ungachide atoaitana anamafunjedhee enango thitho atosakula atu 12 ira takale arumiwi. N’nga unothuulela madhiniwa? Ali Pedru, Andreya, Yakobo, Juwau, Filipi, Bartolumeu, Tomaji, Mateu, Yakobo mwana Alfeu, Tadeu, Simoni, na Yudasi Isikariyoti.

Arumiwi 12 ala tawendecha na Yesu. Ee-no angaafunji-idhe tatooroma dhowa okene. Yohova atoava-a kopolo voi tanooda khumi-a viwanda thitho ili-a atu obulela.

Yesu aona ira arumiwi 12 ala, mbaaxamwalee thitho anowaroromela. Mbwenye Afarisi tathuulela ira atwao tali o-ofunjedha thitho tali atwene baa-i. Mbwenye Yesu atoafunji-a ira talabenga pama basiwa. Arumiwi tatookalave na Yesu vahora yorucha. Mwaifwanafwani-o tatookalavo vahora yafuna phiwa Yesu thitho angavenyathi-iwile. Mofwanafwana na Yesu, anjinji mwaarumiwala takhumile wu Galileya. Thitho enango mwaatwala tali othela.

Mbwenye arumiwala tali odawa ninga i-yo thitho tanoodawi-a vyongo vinango. Hora dhinango tanoonga mo-othuulela pama thitho tanosakula vyongo vyodaweya. Hora dhinango kataleva rima thitho tanookangana ira ndimuwa mbaani. Mbwenye arumiwala tali atu apama thitho tanom’dhiveliwana Yohova. Aliwa tali atu oroma kala pingoni wai Kristau Yesu angadhowile dhulu.