Ulaliki wavamwangoni

Yesu angasakulile arumiwi 12, atoothitha vamwangoni nodhowa valimburo vagumanyeile atu anjinji. Atwala tali okumela wu Galileya, Yudeya, Turo, Sidoni, Siriya, na kombela la-inje wa Yordani. Tatoom’dhelana atu obulela marenda o-iyana-iyana thitho oruchi-iwa na viwanda. Yesu atoaili-a atu othene abulela. Adhamale atookaathi noroma onga. Atoawandela vinaire mutu akala unofuna ira Nlungu akale fwee. Yesu atoonga thitho ira ninofwanela zindiyela ira ninofwanela sogoleliwa na Yohova thitho ninofwanela funjedha vyoonga liye ira nim’dhiveliwengana. Mbwenye atoonga ira kaninaode dhiveliwana Nlungu akala kaninodhiveliwana afwi-u. Mbwenye ninofwanela irelanga vyapama mutu uliwethene, masiki amwidani-u.

Yesu aongile ira: ‘Dhiveliwana afwinyu baa-i kai okwakwanela. Ninofwanela thitho dhiveliwangana amwidani-u noalevelela kumela vathi varima. Akala mutu mwinango utoudawelani, mudhowe matapanya naliye nom’pepesa. Thitho vyongo vyothene vinofunanyo ira atu tauireleni, nyo thitho mwaairele vimbo-ive.’

Yesu atoovelela malangi-o okuza fuma. Liye aongile ira: ‘Kala vauxamwali wapama na Nlungu kofuneya maningi kwaranya kaana kobiri dhinjinji. Mutu unooda ubelani kobiri dhinyu, mbwenye kanaode ubelani uxamwalinyu na Yohova. Vamwasa wen’na ndinouwandelani ira kamukhumbanyedhenga ingumi inyu noonganga ira: “Munodha dyan’ni, venango munodha mwan’ni venango thitho ndhinodha waran’ni?” Kathuulelani vya mbalame. Nlungu unoonechecha ira hora dhothene dhitokaana vyodya. Dhikhumbanyedha kaunoiri-a ira mukaena ingumi yolapela. Kamudiwale ira Yohova utoidhiwa vinofuneela nyo.’

Atwala tali ta-anavwevo mutu aonganga ninga moda mwaongela Yesu. Anamasogolela amareligiau tali ta-anafunjedhevo vyevi. Mwasiwa ngwan’ni Yesu anooda funji-a moda wen’na? Namwasa oi vyongo vyafunji-a liye vyakumela wa Yohova.