Yesu atoafunji-a anama-arelee lobela

Afarisi tanoodhiveliwana ira vyongo naifunelo yofuna dabwi-a atu. Tanooirela mutu vyapama tafuna ira mutu uliwethene aidhiwe. Tanoodhiveliwana lobela mumamburo mwavira atu anjinji ira atwao taaone. Mbwenye aliwa tanoolokota malobelo muruni noaonganga masinagoga venango vamakakanoni naifunelo yoi atu taavwenga. Ee-no atu tatoodabwa Yesu angaawandele ira: ‘Kamulobelenga ninga Afarisi. Aliwa anothuulela ira Nlungu unodha kaana ifunelo namalobelwiwa olapa. Lobelo ndi mwasa wavari va Yohova na mutu unolobeluo. Kamuweli-edhenga vimbo-ive vyevyo volobela. Nlungu unofuna ira mum’mwandelenga vili rimani mwinyu, a-kala lokota muruni.’

Yesu atoonga thitho ira: ‘Mbwenye nyo mulobelenga moi ee-ni: “Babi-u wadhulu, dhinalinyu licheni-iwe. Umweninyu udhe, ifunelo inyu iireye, vailambo yavathi vano ninga mwemo muli aliwa dhulu.”’ Atoawandela thitho ira anooda vepha yodya ya dambo lelo. Thitho anooda vepha ira Yohova aalevelele madawiwa noakami-a vavyongo vinango vyokuza aliwa.

Yesu atoonga ira: ‘Kamu-iye lobela. Mudhowenave vepha ira Babinyu auva-eni vyongo vyapama. Anamabala anova-a a-imiwa vyongo vyapama. N’nga mbaani wanyo oi mwanee am’vepha pau unom’va-a libwe venango avepha somba unom’va-a nyowa?’

Ee-no atoonga ira: ‘Akala nyo munooda velela yotuva wa mwaninyu angalive ira muli odawa, n’nga a-vi Babinyu wa dhulu? Liye unodha uva-ani zimu ochena. Yofuneya kulobela baa-i.’ N’nga weyo uno-arela malangi-o a Yeswala? N’nga walobelanga unoonga vyongo vivi?