Atu amaziza enango tatoovwa milanyu yapama

Arumiwi tatoovwela lamulo la Yesu loi milanyu yapama ilaleeliwe vailambo yothene. Muyawa ya 47 C.E., abali awu Atiokeya tatoom’ruma Paulo na Barnaba ira tamalaleele. Atu ambilala tatoodhowa wu Aziya minori thitho tatoofiya wu Derbe, Listra na Likaoniya.

Paulo na Barnaba tanoolaleela waatu othene. Mo-obala akala ngofuma venango ngosauwa, ndimuwa venango mwana. Mwaimbarimbari atu anjinji tanoovuruwana. Paulo na Barnaba talaleelanga namatonga mwinago dhinalee Serigio Paulo, mutu mwinango wamasenga anoofuna adodomi-a. Ee-no Paulo atoom’mwandela ira: ‘Yohova unoulanga.’ Hora yeniyene mutuo atookala o-oona. Namatonguo angaoni vyevi atoororomela.

Paulo na Barnaba tanoolaleela nyumba na nyumba, mamerekado, ndhila thitho masinagoga. Angafiile wu Listra atooili-a mutu mwinango orangala. Ee-no atwao tangaoni vyevi tanoofuna alambela vothuulela ira aliwa ndi milungu. Mbwenye Paulo na Barnaba tatoawandela ira: ‘Atunyo, i-yo nili atu ninga nyo.’ Mum’lambelenga Nlungu baa-i.’ Ee-no watoodha Ayuda enao adodomi-edhe mathuulelo aatu. Hora yeniyene atwao tatooroma m’ponyedha mabwe Paulo, adhamale tatoom’mburulela undhe wa sidadi nothuulelanga ira utokwa. Mbwenye Paulo ali a-anakwe. Vidhaireye e-no abali tatoodha dham’tukula nom’dhowana sidadi. Vangavirile hora, Paulo atoowelela wu Atiokeya.

Muyawa ya 49 C.E., Paulo atooroma ulendo mwinango. Angakhumile wu Aziya minori, atoodhowa malaleela wu Ulaya. Liye atoofiya wu Atena, wu Filipi, wu Atezalonika thitho wu matatamu enango. Vaulendula ali na Sila, Luka na zombwe mwinango dhinalee Timoteo. Aliwa tatoolaba vambo-i basa lokaathi-a mipingo thitho limbi-a abali naarongola mipingoni. Paulo atookala wu Koritiyo yawa imbo-i na meya naifunelo yoi alimbi-e abali aweo. Liye anoolaleela, funji-a thitho lemba makarta odhowa mipingo yo-iyana-iyana. Mbwenye anoolaba thitho basa lomanga matenda ira aodenga kaana kobiri. Ee-no Paulo atowelela wu Atiokeya.

Muyawa ya 52 C.E., Paulo atooroma okoka ulendo waneraru. Angakumile wu Aziya Minori. Atoofiya wu Filipi, weo ndi norte, vasogolovee atoodhowa wu Koritiyo. Liye atoomala vyawa vingasi wu Efeso weo wafunji-a liye, ili-a atu thitho kami-anga pingo waweo. Dambo nlilothene anoonga mwasa mu sala ya xikola inango. Atu anjinji tanoovuruwana milanywee thitho tatoochinja makalelwiwa. Paulo angalaleele matatamo manjinji, atoodhowa wu Yerusalemu.