Limba rima

Vyairile Yesu

VIDIYO: Yesu atoom’laleela Zakeu

1. Muonele VIDIYO, venango muleri Luka 19:1-7. Mwamala mutapanye vyofuka vyo-arelavi:

1. N’nga venango chini yaairi-a atu ira tam’rambelenga Zakeu?

2. Angalive ira vyali e-no chini yam’kami-idhe Yesu ira am’mwandele milanyu yapama?

Vinofunjedhavo i-yo wa Yesu

2. Ninofwanela kala olimba rima ira nilaleele milanyu yapama wa mutu uliwethene.

Vinairenyo vom’sazi-edha Yesu

3. Mum’nyindelenga Yohova. Zimu wa Nlungu watoom’va-a Yesu kopolo ira alaleele. Na-iyene thitho zimu wa Nlungu unooda niva-a kopolo. (Mat. 10:19, 20; Luka 4:18) Mum’vepenga Yohova ira aukami-eni kala olimba rima ira muode laleela atu anoaovanyo.—May. 4:29.

4. Kamutongenga atu. Ninooda vwalavwali-a laleela atu enango namwasa wa munooneela aliwa, fumiwa, moda unokalecha aliwa venango namwasa wa vinororomela aliwa. Mbwenye muthuulelenga vi:

1. Yohova na Yesu baa-i mbanooda ona vili rimani mwamutu.

2. Kamuthuulelenga ira Yohova kanoavwela tangaranga.

5. Mulimbenga rima thitho muirenga vyongo mwapolepole. (Mat. 10:16) Kamukanganenga naatu. Akala mutu kanofuna vuruwana milanyu yapama, venango mwaona ira ingumiinyu ilivangovini mukhumevo mwalemezo.—San. 17:14.