“Khamumva-e mburo namanami-a”

Yakobo anoidhiwa ira Yohova ngu Nlungu mmbo-i unofwanela labeliwa, angalive ira ali a-anarome wachela lamulo laonga vyevyo. (Ekis 20:3-5) Namwasa wenuo, Yohova o-omwandela Yakobo ira adhowe wu Beteli, Yakobo atoawandela atu afuna dhowa naliye vambo-i ira takhale othathuwa wu mafwano atundu uliwethene. Voi ee-no, atovu-elela mafwano othene, thitho phete dhawarile aliwa ninga khufu. (Maro 35:1-4) Mwaimbarimbari Yohova atodhiveliwa vinjinji na vyairile Yakobo.

N’nga malamboano, ninaode a-vi mlambela Yohova mbaa-i? Yongo yoroma va vyothene, khukhala undendai va yongo iliyothene inovwelana vyaminemba. Vyevyi vinothaphulela ira i-yachi vyothene vinovwelanana vyaminemba. Thitho pyofuneya vinjinji roma thuulela mwa-anaire vyosakhula vyodhiveliwi-a. Mwaifwanafwani-o dhifukheni ira: ‘Miyo ndinodhiveliwana waredhana vyongo vyolandana na viwanda venango vyongo vya vizukwa? N’nga miyo ndinoona ira vyongo vinango vinodhiveliwana miyo onela pyovwelana namasenga, vyolowana venango vyongo vinango vyoophi-a?’ Ninofwanela khala undendai na yongo iliyothene inoidanana Yohova.​—Sal 97:10

ONI-ANI VIDIYO YOI “MUMRUNI-E NAMANAMI-A,” MWAMALA WAKHULANI VYOFUKHA VI:

• 

  N’nga chini yammwireela namafunjedha Bibilya unango aitaniwa Paula?

• 

  Mwasiwa ngwan’ni ninofwanela saka khami-iwa naandimuwa apingoni akhala ira vatokhala mutu mwinango unooni-iwa nyarwa na minemba?

• 

  Akhala ira ninofuna khami-iwa na Yohova, phivyongo viivi vinofwanela i-yo mali-a?

• N’nga Paula usakhunle irana n’ni?

• N’nga nyo munaode a-vi rambela vyoira vya viwanda?