YOFUNJEDHA 53
Musakulenga vyosangalali-a vyoi kavinamsukwali-e Yohova
Yohova ngu “Nlungu wa imwerumweru.” (1 Timoteo 1:11) Liye unofuna ira mukaena ingumi yosangalala thitho unosangalala nafwanya hora yovuma vanduli vo-inda basa. Yofunjedha yen’na, ninofuna nione vinaire i-yo ira ni-indi-edhenga basa hori-u yovuma mundhila yoi nisangalale thitho nimsangalali-e Yohova.
1. N’nga nithuulelenga vyongo viivi nasakulanga vyosangalali-a?
N’nga nyo munodhiveliwana vyongo viivi vahora yovuma? Atu enango, anodhiveliwecha kalanga vandheviwa noleringa mabukhu, vuruwana nyumbo, venango sakasaka vyongo va iternentini. Mbwenye atu enango anodhiveliwana dhongola mendo naafwiwa, masambililanga, magwanga bola venango ira mawaredhelo enango. Akala nisakunle vyongo vyoi a-vi, hora dhothene nisimikezelenga ira vyosangalali-avyo “pyorumeleya wa mbwiye.” (Aefeso 5:10) Ee-no, ndipama thuulela likundo leli namwasa oi malamboano atu anjinji anodhiveliwana vyosangalali-a vyevyo vinoidanana Yohova ninga vyauwalanga, vyamararuo, venango vyamizimu. (Muleri Salimo 11:5.) N’nga chini jinofuna nikami-a ira nisakulenga vyongo mwazelu?
Nadhiveliwangana waredha naatu anodhiveliwana Yohova, na-iyene thitho ninooda tukulela makalelwiwa apama thitho ninooda sakula vyosangalali-a vyapama. Ninga muonele i-yo yofunjedha 48, “mutu owenda naatu azelu unodha kala wazelu.” Mbwenye akala ninodhiveliwa waredha naatu ale ta-ana-indi-edha basa makundo a Nlungu va ingumiiwa “ninodha gumanana nyarwa.”—Sanganiko 13:20.
2. Mwasiwa ngwan’ni ninofwanela ira polepole ira na-akalelengave ira vyosangalali-a?
Angalive ira nitosakula vyosangalali-a vya-anamsukwali-e Yohova, ninofuneela ira polepole ira na-akalelengave irangana vyosangalali-avyo. Vili ee-no namwasa oi na-aire polepole, ninooda imwanana fwanya hora yoira vyongo vyofuneya maningi. Bibilya linonilimbi-a ira “ni-indi-edhenga pama basa hori-u.”—Muleri Aefeso 5:15, 16.
FUNJEDHANI VINJINJI
Muone vyevyo vinaukami-eni ira musakulenga vyosangalali-a mwazelu.
3. Murambelenga vyosangalali-a vyothakala
Mwasiwa ngwani ninofwanela ira polepole vosakula vyosangalali-a? Muonele VIDIYO, mwamala mutapanye vyofuka vyo-arelavi.
N’nga mawaredhelo aireya walelene wu Roma anolandana a-vi na vyosangalali-a vinango vinoira atu malamboano?
Vidiyonimu, n’nga Danny afunjedhile vyoi a-vi vyokuza vyosangalali-a?
Muleri Aroma 12:9, mwamala mutapanye yofuka yo-arelai:
N’nga versuli linaukami-eni a-vi vosakula vyosangalali-a?
N’nga pivyongo viivi vinango vinoidanana Yohova? Muleri Sanganiko 6:16, 17 na Agalatiya 5:19-21. Mwamala leri lemba lilothene mutapanye yofuka yo-arelai:
N’nga maverswala muongiwile vyongo viivi vyevyo vinofwanyeya maningi muvyosangalali-a vinodhiveliwana atu malamboano?
Vyevyo vinairenyo ira musakulenga vyosangalali-a mwazelu
Mudhifukenga ira:
N’nga vyosangalali-avi vinothangani-avo vyongo vinoidanana Yohova?
N’nga vinondiimwanani-a ira vyongo vyofuneya maningi?
N’nga vinooda ndiiri-a ira ndivwelanenga maningi naatu o-odhiveliwana Yohova?
Ninofwanela rambela iliyothene inofuna nidhi-edha nyarwa. Ee-no akala vatokala vyosangalali-a vinango vinokaikelanyo, tipama virambela
4. Mu-indi-edhenga basa horinyu mwazelu
Muonele VIDIYO, mwamala mutapanye yofuka yo-arelai.
Angalive ira bali wa vidiyonimu kaaonela vyongo vyothakala, n’nga yoruchayee yali yoi a-vi?
Muleri Afilipi 1:10, mwamala mutapanye yofuka yo-arelai:
N’nga versuli linanikami-e a-vi rambela malela hora ijnjinji va vyongo vyosangalali-a?
5. Musakulenga vyosangalali-a vyapama
Angalive ira vatokala vyosangalali-a vya-anasangalali-a Yohova, vatokala vyongo vinjinji vyevyo kavinonsukwali-a. Muleri Namalaleya 8:15 na Afilipi 4:8, mwamala mutapanye yofuka yo-arelai:
N’nga pyivyosangalali-a viivi vyapama vinodhiveliwananyo?
Vatokala vyosangalali-a vinjinji vinairenyo
ATU ENANGO ANOONGA IRA: “Miyo kandinoona yorucha iliyothene na vyosangalali-a ninga vyauwalanga, vyamararuo, venango vyamizimu. Upamee unoviirana kai miyo.”
N’nga nyo munoona a-vi?
MAKUNDO OGWANDELA
Yohova unofuna ira nisakulenga vyosangalali-a vyapama.
Vyofuka vyowelela
N’nga Makristau anofwanela rambela vyosangalali-a vyoi a-vi?
Mwasiwa ngwan’ni ninofwanela rambela malela hora injinji na vyosangalali-a?
Mwasiwa ngwan’ni munofuna sakula vyosangalali-a vyevyo vya-anasukwali-a Yohova?
IDHIWANI VINJINJI
N’nga mbaani una izo yonisakulela vyosangalali-a? Muleri mwasula ira muidhiwe yowakulayee.
“Kodi Muli ndi Lamulo Loletsa Mavidiyo Ena, Mabuku Ena Ndiponso Nyimbo Zina?” (Mwasa wavasaiti)
Muone makundo anaukami-eni sakula pama vyosangalali-a.
Mumwasa oi “ndato-iya idana na azungu, muone ira mwasiwa ngwani mutu mwinango atoo-iya dhiveliwana irana vyongo vinango vahora yosangalala.
“Baibulo Limasintha Anthu” (Nsanja ya Olonda, 1 wa Fevereiro wa 2010)
Muone vyevyo vyakami-idhe i-yana mwinango ira asakule vyongo mwazelu vamwasa wa vyosangalali-a vyoonga vyamizimu.