INGUMI YI-U YAU KRISTAU

Musakhulenga vyodhiveliwi-a vyaphama

Mwasiwa ngwan’ni ninofuneela sakhula vyongo vyaphama vyodhiveliwi-a? Mwasa ngoi nasakhula filme, nyumbo, webisaite, bukhu venango mawaredelo avatelefoni, i-yo ninosakhula vyongo vinofuna dhala mathuuleloni mwi-u. Vyosakhula vyevi vinochinja makhalelwi-u. Vyova-a tangaranga pyoi, vyodhiveliwi-a vinjinji vya malamboano vinoonga vyongo vinoidanana Yohova. (Masal 11:5; Agal 5:19-21) Eeno, Bibilya linoniwandela ira nidhowenave irana vyongo vyova-a titimi-o Yohova.—Afil 4:8.

ONANI VIDIYO YOI KODI NDIYENERA KUSANKHA ZOSANGALATSA ZOTANI? MWAMALA MUWAKHULE VYOFUKHA VI:

N’nga vyodhiveliwi-a vya wale vya anyakhodo aroma vinoladana avi na vyodhiveliwi-a vya malamboano?
N’nga abali apingoni anakhami-e avi azombwe vosakhula vyongo vyodhiveliwi-a?
N’nga lemba la Aroma 12:9 linanikhami-e avi va vyosakhula vi-u vyodhiveliwi-a?
N’nga phivyosakhula vivi vyevyo vinaudhiveli-eni wu ilambwinyu?

N’nga phivyodhiveliwi-a vivi vinofunanyo sakhula?

Vyodhiveliwi-a vinjinji vya malamboano vinolimbi-a atu a-ranga vyongo vyotakhala. Ninga mafilme, mabukhu thitho vyoireya vyava televisão vinotonyi-edha mathuulelo enango, vyoireya thitho irana vyongo, mbwenye mutu unaonela venango unaleri uto-iyachi. Vyevi khai vyodaweya, mbwenye atu anjinji tanothuulela irana vyongo vinango vyodhiveliwi-a. Mafilme, mabukhu na vyoireya vyava televisão vinotonyi-edha mathuulelo a atu enango, a-khala vinyu. Moi eno, anjinji tanothuulela dhiveliwana vyongo vinango. Mwaifwanafwani-o, anango anodhiveliwana mafwaramento oombana nyumbo venango lembanga viruthiruthi thitho pitaringa. Anango anodhiveliwana labanga basa valiburo linoombeliwa liphevo, moda oterenari ninga tamanga. Ninga munofunela i-yo sakhula vyodhiveliwi-a, yofuneya choi “vyongo vyothene viva-enga titimi-o Nlungu.”—1Akor 10:31.