Mu-indi-edhenga basa bukhu loi Ingumi yokalao dhowa nodhowa! volimbi-a iroromelo inyu wa Yohova na Yesu

Ira tamdhiveliwi-e Nlungu, anamafunjedha Bibilya tanofwanela kaana iroromelo yolimba. (Aeb 11:6) Ninoira vyevi na-indi-edhanga basa bukhu loi Mungakhale Ndi Moyo Mpaka Kalekale! Bukhuli mutokala malemba ofuneya, linoonga makundo movweya pama, mutokala vyofuka vyokami-a thuulela mopwasedha, mavidiyo olimbi-a na viruthiruthi vyobaleya. Ira anamafunjedha Bibilya takaena makalelo apama thitho kaana uxamwali wapama na Nlungu, ninofwanela akami-a ira takaathi-e mathuuleloni mwiwa vinofunjedha aliwa ira tafiyedhele dhavulumuwa.—1Akor 3:12-15.

Atu enango tanoona ira kala vauxamwali na Nlungu korucha namwasa oi katinom’mona. Ee-no ninofwanela kami-a anamafunjedhi-u ira tamwidhiwe Yohova no mroromela.

MUONELE VIDIYO YOI KAMI-ANI ANAMAFUNJEDINYU KAANA IROROMELO VO-INDI-EDHA BASA BUKHU LOI “MUNGAKHALE NDI MOYO MPAKA KALEKALE!” MWAMALA WAKULANI VYOFUKA VYO-ARELAVI:

• N’nga ninoidhiwa a-vi ira rongolula atokoozeela pama vyafunjedha aliwavi?

• N’nga rongolula u-indi-edhile a-vi basa pama vyofuka vinango ira aidhiwe mathuulelo anamafunjedha valemba la Esaya 41:10, 13?

• N’nga vidiyo na malemba a Bibilyani vyakuzile a-vi namafunjedha?

Atu anjinji katinovwechecha likundo loonga kuto wa Yesu venango katinothuulela ira chotuva ya Nlungu. (Agal 2:20) Ee-no ninofwanela akami-a ira taroromelenga sembe yoombolana ya Yesu.

MUONELE VIDIYO YOI KAMI-ANI ANAMAFUNJEDINYU KAANA IROROMELO VO-INDI-EDHA BASA BUKHU LOI “MUNGAKHALE NDI MOYO MPAKA KALEKALE!” MWAMALA WAKULANI VYOFUKA VYO-ARELAVI:

• N’nga ninoidhiwa a-vi ira balula atokozeela pama vyafunjedha aliwavyo?

• N’nga a-indi-edhile basa a-vi vili vaikundu, yoi “Idhiwani vinjinji” vofuna mkami-a namafunjedhee?

• N’nga lobela unamkami-e a-vi namafunjedha Bibilya?