INGUMI YI-U YAU KRISTAU
Yohova unonikami-a nagumanangana vyowesedha
Malambo omari-ala, ninogumanana vyowesedha vyo-iyana i-yana. Hora dhinango, ninoona ira vyowesedha vinango pyorucha vivilela. Mbwenye akala ninodhowanave kala vauxamwali wapama na Yohova, liye unodha nikami-a vilela vyowesedha vyorucha maningi. (Esaya 43:2, 4) N’nga ninaire a-vi ira nikaleve vauxamwali wapama na Yohova vevo vanogumanana i-yo vyowesedha?
Lobelo. Nam’mwandela Yohova vyarimani mwi-u, unoniva-a rendele thitho kopolo ira nivilele.—Afil 4:6, 7; 1Atez 5:17.
Migumano. Kwaranya nduli mothene, va e-eni ninofuneela yodya yauzimu inoniva-a Yohova thitho gumaneya vambo-i naabali naarongoli-u. (Aeb 10:24, 25) Nakozeelanga, fwanyeya thitho wakula vamigumanoni, zimu wa Yohova unonikami-a maningi.—Apok 2:29.
Laleela. Vinokala vyo-orucha thuuleela vyongo vyapama akala ninoira vyothene vinooda i-yo ira niirenga vinjinji muurumiwini. Ninolimbi-a uxamwali-u na Yohova thitho Makristau afwi-u.—1Akor 3:5-10.
MUONELE VIDIYO YOI YEHOVA ADZAKHALA NAWE, MWAMALA MUWAKULE VYOFUKA VYO-ARELAVI:
N’nga chini yakami-idhe Malu ira akaleve vauxamwali wapama na Yohova vyagumanana liye vyowesedha?
Mofwanafwana na Malu, n’nga madhu ofwanyeya va lemba la Salimo 34:18 ananilimbi-e a-vi nagumanangana vyowesedha?
N’nga vyam’muireele Malu vinothonyi-edha a-vi ira Yohova unoniva-a “kopolo yokwaranya yobaliwana” nagumanangana vyowesedha?—2Akor 4:7