Kanili okhene

1-2. (a) Mwasiwa ngwan’ni kaninoonga ira ninokhala okhene nagumananga na vyowesedha? (b) N’nga ninotapanyan’ni muyofunjedhila?

NAGUMANANGANA vyowesedha vilukhulu, ninooda khalanga ninga nili okhene ningali muisibarku ing’ono barani vevo vali mabimbi. Mbwenye kanili okhene. Babi-u wadhulu unoidhiwa nyarwa dhinogumanana i-yo thitho unonilanyedha ira unodha nikami-a. Yohova utosikimizela rumiwee uliwethene ira: “Ndinoukami-a.”—Esa. 41:10.

² Muyofunjedha yei ninotapanyani mwemo Yohova munonikami-edhela liye mundhila 4 dhi: (1) vonisogolela, (2) voniva-a vyongo vyofuneya, (3) vonibarela, thitho (4) vonilimbi-a. Yohova utonilanyedha ira akala nitogumanana nyarwa dhoi a-vi, liye kanodha nidiwala. Liye kanodha ni-iya, ee-no kanili okhene.

YOHOVA UNONISOGOLELA

3-4. N’nga Yohova unonisogolela a-vi? (Salimo 48:14)

³ Muleri Salimo 48:14. Yohova kanodedi-edhela ira nivisogolelenga okhene. N’nga unosogolela a-vi atwe malamboano? Ndhila imbo-i inoirela liye vyevi ndi dhela Bibilyani. (Sal. 119:105) Madhwee anonikami-a ira nisakulenga pama vyoira thitho nikaengana makalelo enao anairi-e ira nisangalalenga va-eeni thitho ninodha kaana ingumi yo-omala sogolou.a Mofwanafwani-a, unonifunji-a ira kaninyanyuwenga, nikalenga oona rima va vyongo vyothene thitho nidhivelanenga khumela vathi va rima. (Sal. 37:8; Aeb. 13:18; 1 Pe. 1:22) Nathonyi-edhanga makalelo enala ninokala lombwana venango i-yana wapama, anamabala apama thitho ninovwelana naafwi-u.

⁴ Yohova atoo-ela madhwee myasa dhaatu enao tangumanena vyowesedha ninga vyevyo vinogumanana i-yo thitho tavwa ninga moda munodhivwela i-yo. (1 Ak. 10:13; Yak. 5:17) Naleringa myasa ninga dhedhi thitho indi-edha basa vyongo vinofunjedha i-yo, ninoganyali vyongo vili. Yoroma, ninozindiyela ira kanili nokhene namwasa oi atu enango tagumam’nena nyarwa ninga dhedho novilelanga. (1 Pe. 5:9) Yanambili, ninofunjedha vyongo vinaire i-yo ira nivilelenga nyarwadho.—Aro. 15:4.

5. N’nga Yohova uno-indi-edha basa an’ni vonisogolela vandhila yodhowa wuingumi?

⁵ Yohova unonisogolela thitho dhela mwa Makristau afwi-u.b Mofwanafwani-a, anamaing’anela visa anowenda mipingo ira tanilimbi-e. Myasa dhiwa ndinolimbi-a iroromelwi-u thitho nikami-a ira nikaena iroromelo yolimba. (May. 15:40–16:5) Andimuwa avapingoni anokaana vifunelo naanamalaleeya othene. (1 Pe. 5:2, 3) Anamabala anofunji-a a-imiwa ira takhale vauxamwali wapama na Yohova thitho takhale othuulela pama na makalelo apama. (San. 22:6) Thitho arongola olimba mwauzimu anokami-a arongola aasikana vowava-a malangi-o apama, malangi-o owakhami-a thitho alimbi-a.—Tit. 2:3-5.

6. N’nga ninofanela iran’ni ira niganyali na malangi-o a Yohova?

⁶ Yohova utoira ikhunduyee voniva-a malangi-o ofuneya. N’nga ninathonyi-edhe a-vi simba va vyongo viniirele liye? Lemba la Sanganiko 3:5, 6 linoonga ira: “Uroromelenga Yohova na rimaa othene, thitho kunyindele dodolisolao lovwechecha vyongo.” Naira ee-no, “Liye unodha dhongola ndhila dhi-u,” thapulela ira unodha nikami-a rambela nyarwa dhinjinji nokhalanga osangalala. Ninosimba maningi ira Yohova unonidhiveliwana thitho niva-a malangi-o onikhamia-a.—Sal. 32:8.

YOHOVA UNONIVA-A VYONGO VINOFUNEELA I-YO

7. N’nga Yohova unoniva-a vyofuneya mundhila dhivi? (Afilipi 4:19)

⁷ Meleri Afilipi 4:19. Wenjedhela vonisogolela mwauzimu, Yohova unoraeli-a thindhi li-u ira nikaena vyodya, vyowara na vogona. (Mat. 6:33; 2 At. 3:12) Mwaibaliwelo i-yo aatu ninovikhumbanyedha na mwemo munafwanyele i-yo vyongo vyofuneya mbwenye Yohova unonilimbi-a ira kanivikhumbanyedhenga maningi na vyongo ninga vyevi. (Muone madhu achindo ava Mateu 6:25.) Ninoira e-no namwasa oi Babi-u kano-iya arumiwee enao anorucheya. (Mat. 6:8; Aeb. 13:5) Ninofwanela roromela vyongo vinilanyedhe liye ira unodha nikami-a fwanya vyongo vyofuneeleya vaingumi.

8. N’nga Yohova akami-idhe a-vi Davide?

⁸ Kathuulelani mwemo Yohova mwakami-edhe liye Davide. Wa vyawa vyevyo Davide naatwe vakhala aliwa na ingumi yothawathawa, Yohova atoam’va-a vyongo vyofuneeleya. Thangathuulele moda Yohova wasamalele aliwa wa vyawa vyevyo, Davide atoolemba ira: “Ndali mwana mbwenye va-eeni nditoulukhula, mbwenye kandinaonevo mutu uliothene olongomana anga-iiwile, venango a-imee tavephanga yodya.” (Sal. 37:25) Venango nyo thitho mutoonavo vaingumiinyu Yohova avelelanga vyongo vyofuneya waarumiwee ororomeleya.

9. N’nga Yohova unosamalela a-vi atu malamboano vaireya ngovi dhavilengo? (Muone thitho iruthiruthi.)

⁹ Yohova unovelela thitho waarumiwee vyongo vyofuneeleya vaireya masoka avilengo. Mofwanafwani-a ungali ndala wu Yerusalemu hora yaarumiwi, Makristau amatatamo o-iyana i-yana tatootumiza vyongo vyofuneeleya waabali naarongola enao takhuziwile. (May. 11:27-30; Aro. 15:25, 26) Vi ndi vyevyo atu a Yohova vinoira aliwa malamboano. Waireya masoka avilengo Yohova unolimbi-a atwee ira takami-e afwiwa ninga vyodya, ma-inje, vyowara thitho mirombwe. Magurupu avyomangamanga tanosaka-edha nyumba dhaabali thitho Nyumba dha Umwene dhedho dhinongeile. Atu a Yohova tano-indi-edha basa makhundo a malembani vokami-a thitho limbi-a afwiwa enao taluzile vyongo viwa venango takweliwile.c

10-11. N’nga ninofunjedhavon’ni va mwasa wa Borys?

¹⁰ Yohova unokami-a thitho atu oi katinarome m’labelavo ira tafwanye vyongo vyofuneeleya. Na-iyene thitho ninodhilimbi-edha riyela rima atu tanokhonda mʼlabela Yohova. (Agl. 6:10) Vyevi vinokami-a ira naalaleele. Ifwanafwani-o yanamafunji-a lukhulu va xikola inango wu Ukraniya dhinalee Borys. Liye kai wa Mboni dha Yohova mbwenye hora dhothene anooriyela rima thitho lemeza a-ima anaxikola a Mboni dha Yohova. Vahora inango voi tafuna tawela tatamo linango namwasa wa khondo abali-u tatom’kami-a. Ee-no Borys atoofwanyeya va mwambo othuulela wukwa wa Yesu Kristu. Vothuulela vyongo vyaireile vahora yeniyo Borys aongile ira: “Amboni tanoirana vyongo na miyo mondiriyela rima thitho ndisamalela. Ndinosimba maningi a Mboni dha Yohova.”

¹¹ I-yo thitho nisazi-edhenga tangaranga dha Babi-u wa dhulu vothonyi-edha udhivela wa enao anorucheya, masiki atu enao tanokhonda m’labela Yohova. (Luk. 6:31, 36) Ninororomela ira nadhiveliwangana atu enango vinoakami-a ira takhale anamafunjedha a Kristu. (1 Pe. 2:12) Akala atwao anodha kala arumiwi a Yohova venango khabe, i-yo ninokaana imwerumweru namwasa ova-a.—May. 20:35.

YOHOVA UNONIBARELA

12. N’nga Yohova alanyedhile nʼni atwee ninga gulu? (Salimo 91:1, 2, 14)

¹² Muleri Salimo 91:1, 2, 14. Yohova utonilanyedha ira unodha nibarela mwauzimu. Liye kanorumeli-a ira Satana adhodhomi-e lambela wi-u waimbarimbari. (Ju. 17:15) Kaninokaikela ira “nyarwa ilukhulu” yadha roma, Yohova unodha kwakwaneli-edha vilanyedhile liye ira unodha nikami-a kaana iroromelo yolimba thitho unodha nivulumucha.—Apk. 7:9, 14.

13. N’nga Yohova unokami-a a-vi mutu oliothene waekhene?

¹³ N’nga Yohova unobarela a-vi mutu uliothene vaekhene? Yohova uno-indi-edha basa Malemba vonikami-a idhiwa vyofwanelela na vyo-ofwanelela. (Aeb. 5:14) Na-arelanga makhudwee ofwanyeya m’madhwee, liye unonibarela wu vyongo vinaniiphei-e vinanonge iroromelwi-u. (Sal. 91:4) Yohova unonibarela thitho dhela pingoni. (Esa. 32:1, 2) Navwelangana naatu anodhiveliwana Yohova thitho a-rela makhudwee, ninolimbi-iwa thitho ninorambela vyothakala.—San. 13:20.

14. (a) Mwasiwa ngwan’ni Yohova kanonibarela wu vyowesedha vinango? (b) N’nga lemba la Salimo 9:10 linonisikimizeli-edhan’ni? (Muone thitho madhu achindo.)

¹⁴ Hora dhinango Yohova anoobarela arumiwee awale ira ta-aphei-iwe venango phiwa. Mbwenye kaira anoirana vyevyo hora dhothene. I-yo thitho ninooda gumanana na “vyongo vyo-odedi-edheleya.” (Nam. 9:11) Hora dhinango Yohova anoorumela arumiwee oni-iwa nyarwa venango phiwa vofuna thonyi-edha ira Satana ngonama. (Yob. 2:4-6; Mat. 23:34) Vyevi vinooda ireya thitho malamboano. Masiki ira Yohova kananimali-edhe vyowesedha, ninororomela ira liye kana-iye atu enao anowadhiveliwana liye.d—Sal. 9:10.

YOHOVA UNONILIMBI-A

15. N’nga ninalimbi-iwe a-vi na lobelo, madhu a Nlungu thitho Makristau afwi-u? (2 Akoritiyo 1:3, 4)

¹⁵ Muleri 2 Akoritiyo 1:3, 4. I-yo Makristau hora dhinango ninovivwela tangaranga venango vikhumbanyedha. Venango va-eeni ninogumanana nyarwa inangwee inoniiri-a ira nivwivwenga ira nili okhene. Idhiwani ira Yohova unoidhiwa moda munovivwela nyo. Liye unovuruwana moda unovuruwana nyo thitho “unonididili-a va vyowesedha vi-u vyothene.” N’nga unonididili-a a-vi? Nalobela wa Yohova mosembezela, liye unoniva-a “rendele [wee] wenuo atu katinaode uvwechecha.” (Afl. 4:6, 7) Ninolimbi-iwa thitho leri Bibilya uvwa madhu a Yohova. Dhela madhwee ovudheleliwa, liye unonisikimizela ira unonidhiveliwana, unoniwandela vyongo vinaire i-yo ira nikhale azelu thitho unoniva-a idedi-edho. Nakala migumanoni ninolimbi-iwa thitho nawaredhanga na Makristau afwi-u ninodidili-iwa na makhundo a Malemba.

16. N’nga ninofunjedhavon’ni va vyongo vyam’mwireele Nathan na Priscilla?

¹⁶ Ifwanafwani-o inango ndi ya Nathan na Priscilla enao anokhala wu Estados Unidos inonisikimizeli-a ira Yohova unonilimbi-a thitho nididili-a vo-indi-edha basa madhwee. Vyawa vingasi ndulimu, aliwa tatoothuulela vyothamela wu tatamo n’nango weo wafuneela anamalaleya anjinji. Nathan aongile ira: “Nanororomela ira Yohova unodha niraeli-a vaingumii-u.” Mbwenye aliwa tangafiile tatamonio tatoogumanana nyarwa ya fuma thitho marenda. Ee-no tatoowelela waniwa thitho tatoodhowanave gumanana nyarwa dha fuma. Nathan aongile ira: “Ndanoodabwa ira mwasiwa ngwan’ni Nlungu kanikami-idhe ninga mwemo mwadedi-edhela i-yo. Ndatooroma thuulela ira nditodawi-a vyongo vinangovyee.” Ee-no Nathan na Priscilla tatoozindiyela ira Nlungu kaa-iidhe vahora ya nyarwiyo. Nathan aongile ira: “Vahora yoruchila, Bibilya yali ninga fwi-u wenuo anilimbi-a thitho niva-a malangi-o. Nanothuulela mwemo munikami-edhele Yohova ira nivilele, malo mothuulelanga vyowesedha vinagumanena i-yo, watoonikami-a ira nikhale okozeeya gumanana vyowesedha vinango sogolou ningana iroromelo yolimba.”

17. N’nga rongola mwinango dhinalee Helga alimbi-iwile a-vi? (Muone thitho iruthiruthi.)

¹⁷ N’nga abali naarongola anonilimbi-a a-vi? Kathuulelani vyongo vyam’mwireele rongola Helga wenuo unokhala wu Hungary. Wa vyawa vinjinji, liye atoogumanana nyarwa dhinjinji dhedho dham’mwiri-a ira a-akaengana oya nodhionanga ninga o-ofuneya. Mbwenye athuulela vyongo vyaireile unoona ira Yohova atom’kami-a dhela mwaabali naarongola. Liye alembile ira: “Yohova ukadhi andikami-anga ona ira nditofooka namwasa wa basa, samalela mwananga obulela venango thitho vyowesedha vinango. Va vyawa 30 vyothene vyevi liye ukadhi akwakwaneli-edhanga yolanyedhayee yoi unongondilimbi-a. Hora dhinjinji unondilimbi-a dhela mwaabali naarongola enao anondiongana moriya rima thitho mondithuulela. Ndikadhi ndiwachelanga vahora yofwanelela mamesage, makarta venango thitho madhu olimbi-a.”

18. N’nga ninalimbi-e a-vi atu enango?

¹⁸ I-yo thitho ninooda sazi-edha Nlungu volimbi-a atu enango. N’nga ninaire a-vi vyevi? Ninofwanela avuruwana moleva rima, aongana madhu olimbi-a thitho ava-a vyongo vinofuneela aliwa. (San. 3:27) Nivilimbi-edhenga limbi-a atu enao anogumanana vyorucha masiki enao tanokhonda m’labela Yohova va-eeni. Akala atu uwandamanena nyo unaabulela kaana tangaranga venango vikhumbanyedha, ninodhowa maona, avuruwana thitho tapanya naaliwa malemba olimbi-a. Nasazi-edhanga Yohova, wenuo ndi “Nlungu unonididili-a vahora iliyothene,” ninokami-a Makristau afwi-u vilela vyowesedha thitho ninofewi-a mirima yaatu enao ira tarome lambela waimbarimbari.—Mat. 5:16.

YOHOVA UNONIKAMI-A HORA DHOTHENE

19. N’nga Yohova unoniirela n’ni, n’nga ninofunjedhavo n’ni?

¹⁹ Yohova unothuulela atu enao anom’dhiveliwana. Liye kanoni-iya nagumanana nyarwa unosamalela arumiwi ororomeleya ninga mwemo namabala waudhivela munosamalela liye a-imee. Unonisogolela, nibarela, nilimbi-a thitho ira nidhowenave noniva-a vyongo vinofuneela i-yo. Ninosazi-edha Bibi-u wa dhulu nakami-anga thitho limbi-a atu enao anogumanana nyarwa. Akala ninogumanana nyarwa dhoi a-vi, kaninokaikela ira Yohova uli na i-yo. Vale liye atoolanyedha ira: “Khuove, namwasa oi miyo ndili nawee.” (Esa. 41:10) Madhu enala anonilimbi-a rima thitho ninoidhiwa ira kanili nokhene.