N’nga wukwa wa Yesu unathapulela n’niya wanyo?

Yesu oonikwela ira nikhale na ingumi. Juwau 3:16

Malambo mararu Yesu angakwide, a-iyana enango to-odhowa maphanda pawoni wewo walokotiwile liye, mbwenye khatafwaidhe. Yesu oovenyathi-iwa na Yohova.

Vasogolo viwa, Yesu oodha oneela wa arumiwi aye.

Mwa imbarimbari, Yohova ali angam’venyati-ile Yesu ninga zimu wa nguru, wo-okwa! Titho, ofunjedha aye to-om’mona agwelanga dhulu.

Yohova oovenyathi-a Yesu, nan’ela khala mwene wa Umwene wa Nlungu. Danieli 7:13, 14

Yesu oovelela ingumi yae ira awombole atu. (Mateu 20:28) Mwa ndhila yeniyo, Nlungu oo-dhula ndhila ira nikhale na ingumi yo-omala.

Yohova oo-eela Yesu ira akhale mwene odha thonga ilambo ya vathi. Atu ororomeleya a va ilambo ya vathi vano okwakwana 144.000, anodha venyathi-iwa ira tamakhale na liye vambo-i dhulu. Aliwa vambo-i na Yesu anodha khala anamatonga a umwene wolongomana wa Nlungu dhulu.—Apokalipse 14:1-3.

Umwene wa Nlungu unodhachinja ilamboyi ira ikhale paradaizo. Kaudha khala khondo, upanga, sauwa nee ndhala. Atu anodha khala odhiveliwa vinjinji vyene.—Salimo 145:16.