MURU 14
N’nga apainiya tanofunja xikola yoi avi?
Estados Unidos
Xikola la Giliyadi, Patterson, Nova York
Panamá
Va hora indendai, Mboni dha Yohova tanana funjedha maxikola o-iyana-iyana ofunji-a Bibilya. Atu ale anovivelela ira talaleelenga vya Umwene hora dhothene, tanovolowa xikola lopambuleya lelo linaakhami-a ira ‘takwakwani-e urumiwiwa.’—2 Timoteo 4:5.
Xikola la basa laapainiya. Painiya amala yawa imbo-i alabangave basa la hora dhothene, unovolowa xikola lelo linaireya malambo matandatu va Nyumba ya Umwene. Ifunelo ya xikolila khukhami-a apainiya ira tammwandamele Yohova, takhaeena dodoliso mumakhalelo othene a urumiwiwa, na dhowanave khala ororomeleya va vabasali.
Xikola la anamalaleya vya Umwene. Xikola linaireya medi milila, lasasa-edheliwe ira lifunji-e apainiya adodoliso ofunechecha dhowa malaba unafuneya atu anjinji. Vo-arela ifwanafwani-o ya Namalaleya nlukhulu alaleile vailambo yothene yavathi Yesu Kristu, atu tana rima ninga wenna, anakhala ninga anaonga ira: “Miyo nditokhalavo! Ndirumeni’’.(Esaya 6:8; Juwau 7:29) Thamela olapha unofuneela chiinja vyongo vinjinji vaingumini. Makhalelo, chinja wahora, iwongelo na vyodya venango vinokhala vyo-iyana na vilemeele aliwa. Xikolila inokhami-a mabanja, abali na arongola ta-ali vabanjani tana vyawa 23 naavyawa 65 ira takhaena makhalelo enale anaakhami-e kwakwaneli-edha urumiwiwa thitho ira takhaena dodoliso linairi-e ira Yohova na gulu lae laa-indi-edhe basa.
Xikola la Giliyadi Torre de Vigia lofunji-a Bibilya. Hiyeberi madhu oi “Giliyadi’’ anathapulela “Injiva wa Umboni.’’ Romela vevo xikolila yaromileatu mu 1943, atu okwaranya 8,000 enao tavolowile xikolaleli tatorumiwa ninga amisionario ira tamairele umboni “ugomele ilambo yavathi.’’ Thitho vyongo vinana awendela phama. (Mayirelo 13:47) Mofwanafwani-a amisionario tangafiile ilambo ya Peru, khatafwaidhemo pingo uliwethene mwiilambonimo. Mbwenye vachineneeva uli mipingo yokwaranya 1000. Amisionario tangafiile ilambo ya Japao wali Amboni katafiile khumi. Mbwenye vachineneeva uli Amboni okwaranya 200.000. Xikolila inamala medi 5 thitho anofunjedhamo madhu a Nlungu mogogomedha. Amisionario ta-avolowile xikolila, apainiya avakhundu, analaba maofesi a tambi venango anamaing’anela isa, anooda itaniwa ira tamavolowe xikolila namwasa oi tasogolelenga thitho limbi-a basa lolaleela yenio inaireya vailambo yothene.
N’nga ifunelo ya xikola ya apainiya chini?
N’nga mbaani unavolowa Xikola la Makristau Olaleela vya Umwene?