Nyo mutoroma thuulela ira mumafunjedhe Xikola la Anamalaleya a Umwene?

Nyo muna tunga la vyawa vya 23 venango 65 mungali muurumiwi wa hora dhothene? Ingumi yinyu chapama yoi munooda makami-a unorambuleleya anamalaleya? Akala munowakula ira ee va vyofuka vyevi, mutoroma thuulela dhowa mafunjedha Xikola la Anamalaleya vya Umwene? Varomele xikola mamiliyau aanamathela na abali aadiye thangani-avo arongola aadiye tatotumiza mapetisau. Vingalive ee-no ninoafuna vinjinji adiye ira taode vivelela. Mumvepe Yohova ira awenjedhele ifunelo inyu vomdhiveliwi-a vosazi-edha Mwanee. (Masal 40:8; Mat. 20:28; Aeb 10:7) Vanduli va evyo, thuulelani machinjo anofunanyo ira vainguminyu, gumani-avo basa linyu na vyongo vinango vyavaingumi inyu ira muode kala ofwanelela.

Tindhila dhiivi dhidhuleile waabali na arongola afunjedhile xikola? Enango tanotumiziwa ira tamalabenga tatamoni unaongiwa viongelo vinango, venango malaleelanga vikundu unokala atu anjinji masidadini. Enango vavira hora, anooda e-liwa kala anamaing’anela isa venango amisionario. Mwathuulelanga vya idedi-edho yomlabela Yohova munooda vivwa ninga namaro-edha Esaya, ira: “Miyo ndili vano! Ndirumeni.”—Esaya 6:8.

ONI-ANI VIDIYO YOI MISSIONÁRIOS EM CAMPO — TRABALHADORES NA COLHEITA. MWAMALA FUKANI VYOFUKA VI:

• 

  N’nga mamisionario anosakuliwa a-vi?

• 

  Tibasa liivi lapama lelo amisionario linolaba aliwa?

• 

  N’nga mbamaraeli-o enango aavi ana atu anolaba ninga mamisionario?