N’nga anamaing’anela isa tananikhami-a avi?

Barnaba na rumiwi Paulo mbaatu oongiwa wiliwili mmalemba aigriki. Aliwa talabecha ninga anamain’ganela isa thitho tanowendelecha mipingo yandulimu. Mwasiwa wali wanni? Aliwa tanothuulela vinjinji makhaathedho aunemba aabaliwa. Paulo atoonga ira anofuna “welelawo ira amaawaredhele abali” thitho dhowa maaona ira tali avi. Liye ali wokhozeya wenda misizo yolapha ira amaalimbi-e. (Mayirelo 15:36) Peeno anamaing’anela isa tatokhaana rima ninga wanna aliwa.

Aliwa tanonilimbi-a. Namaing’anela isa uli wethene unowaredhelecha mipingo yokwakwana 20, vapingo uli wothene unomalechavo sumana, mbwenye va yawa unowaredhelecha fendo mbinli. Ninooda limbi-eya vinjnji na dodoliso laabali ninga enala vambo-i na a-iyaniwa akhala othela. Aliwa mbaatu athindhi vofuna idhiwana na azombwe vambo-i na andimuwa, thitho tanoomeliwa dhowa vambo-i naabali malaleela na wofunjedha Bibilya. Aliwa tanoirecha unamakumbiza na andimuwa avapingoni thitho tanoongecha myasa dhaphama vamigumano yapingo vambo-i na migumano ilukhulu ira tanilimbi-e.—Mayirelo 15:35.

Aliwa tanolimbi-a mutu uli wethene. Anamaing’anela isa tanolimbi-a khumela vathi varima mukhalelo wa unemba tafiya vampingoni. Aliwa tanogumaneya na andimuwa vambo-i na anamarumiwa okhami-a ira taone mwemo munawendela mpingo, thitho velela malangi-o owakhami-a va izo inaaliwa. Thitho tanokhami-a apainiya ira takhale odhowa vasogolo, thitho tanoomeliwa idhiwa atu ampya na idhiwa mwemo munadhowela aliwa vasogolo. Abali ovivelela ninga enala tano-inda mabasa ira taode khami-a “dhowa wi-u vasologolo volaba vambo-i na iyo.” (2 Akoritiyo 8:23) Ninofuneela sazi-a iroromelo yiwa na vivelela wa Nlungu.—Aebere 13:7.

• Mwasiwa ngwan’ni anamaing’anela isa tanowaredhelecha mipingo?

• N’nga munaganyali avi aliwa tawaredhelanga?