MURU 28
N’nga Webisaiti-u munofwanyeya vyongo vivi?
Fransa
Polaniya
Russiya
Yesu Kristu atoonga na anamafunjedhae ira: “muoni-e njezinyu waatu, ira taone mabasinyu aphama ira aliwa tamtitimi-e Babinyu wadhulu.” (Mateu 5:16) Ira niode irana vyevyi nino-indi-edha basa vyongo vyachineneeva gumani-avo Internete. Va webisaiti yi-u ya jw.org, vanofwanyeya myasa yoonga vyevyo iyo a Mboni dha Yohova vyinaroromela iyo na vyinaira iyo. N’nga Vawebisaiti-u vali vyongo vyoi avi?
Vanofwanyeya vyowakhula vya vyofukha vya aatu anjinji. Munooda fwanya vyofukha vyofuneya vinjinji atu vinadhiveliwa aliwa fukha. Mofwanafwani-a matratado oonga ira, Nyarwadhi dhinodhamala? na N’nga atu okwa anodha khalawo okhokha? Anofwanyeya vawebisaitini muviongelo vyokwaranya 600. Munooda leri thitho Baibulo la Dziko Latsopano muviongelo vyokwaranya 130 na mabuku o-iyana-iyana okhami-a vwechecha Bibilya, ninga Zimene Baibulo Limaphunzitsa. Thitho munooda fwanya Nsanja ya Olonda na Galamukani! Munooda leri venango vuruwana mabuku na magazinala vainternetini. Munooda khumi-a thitho vainternetini vo-indi-edha basa MP3, PDF na EPUB. Munooda thitho khumi-a vainternetini no e-la vacomputadoreni venango va yongo iliyothene ira muvuruwanenga venango vileri. Munooda dinda mathakuru enango va iongelwinyu ira mumamva-e mutu ofunechecha. Mabuku a vidiyo tatokhalavo muviongelo vyokwakwana 20 vya mandha. Nyo thitho munooda dinda madrama na nyumbo dhaphama dhili vainterneti ira muvuruwanenga mwapwaseya.
Madhu aimbarimbari oonga vya Mboni dha Yohova. Vyongo vinango vinafwanyeya va webisaiti-u ti myasa dhachineneeva dhokhuza Mboni dha Yohova, na mavidiyo othonyi-edha mwemo munawendela basa vailambo yothene yavathi, thitho munakhami-edha iyo vaireya soka. Nyo thitho munooda fwanya myasa ya migumano ilukhulu inafuna dhaireya, thitho vyoireya vya maofesini mwi-u.
Dhela mwa vyongo ninga vyevyi, ninooni-a moneya waimbarimbari fiedha magomelo ailambo. Atu ailambo yothene yavathi gumani-avo ailambo ya Antartida tanokhami-iwa. Ninolobela ira “madhu a Yohova adhowenave mwadheya mombaranya” vailambo yothene ira Nlungu alemeziwe.—2 Atezalonika 3:1.
N’nga webisaiti-u inokhami-a avi atu funjedha imbarimbari ya bibilyani?
N’nga munaomeliwe Sakha nni vawebisaiti-u?