Mu-indi-edhenga basa thakuru loroma la JW.ORG mwakala muurumiwini

VA thakuru loroma la saiti-u, vano-eliwa myasa na mavidiyo enao asaka-edhiwile ira taafiyenga varimani atu ta-ali Amboni dha Yohova enao ana rima wa pama. (Mayir 13:48) Vyongo vino-eliwavovi, hora dhinjinji dhinokalecha myasa dhili jornaleni venango myasa dhedho atu dhinoongecha aliwa wiliwili.

N’nga muna-indi-edhe a-vi basa thakuru loroma la jw.org mwakala muurumiwini?

• Muvolowenga va saiti-u va duzi na duzi. Muonenga myasa i-eliwile va thakuru loromali chindo mwa muru oi “Zina Zimene Zilipo venango vinango vilivo” thitho muthuulelenga mwemo muna-indi-edhele nyo basa vokami-a mutu wa ifunelo. (Ira muone myasa inango ya-eliwile vathakuruli, mutobole valembile aliwa ira “Onani Zambiri.”) Idhiwa vyongo vipya vi-eliwile va saitila, unodha ukami-a kaana makundo mapya ana-indi-edhe nyo basa muurumiwini.

• Mu-indi-edhenga basa myasa na mavidiyo a-eliwile vathakuru loroma ira murome tapanya na mutu. Myasa na mavidiyo enala, anooda ukami-ani idhiwa vyevyo atu atatamo linyu vinothuulela aliwa.

• Mwaaoni-enga atu thakuru loroma. Muthoyi-edhenga atu mogwandela myasa dhilivo thitho mwaakami-enga idhiwa mwemo muna-indi-edhele aliwa basa myasa dhinango dho-iyana i-yana.

• Mwaatumizelenga linki. Atu enango katinofuna onga na i-yo vametho na vametho mbwenye anooda volowa va saiti-u. Kamukaikelenga tumizela atu linki inaafii-e vathakuru loroma, va mwasa venango vidiyo yeniyo i-eliwile vathakuruli.