MURU 30

Rahabi atoolokota Aisraeli ambili enao adhowile mazondela ilambo

Aisraeli ambili enao arumiwile ira tamazondele ilambo ya Yeriko, tafiyedhele nyumbani wa m’ma mwinango dhinalee Rahabi. Mwene waweo angazindiyele, atooruma anyakhondo nyumbani wa i-yanuo. Mbwenye Rahabi atoalokota Aisraelao noawandela anyakhondwale ira tavirena ndhila inango. Adhamale atoawandela Aisraelao ira: ‘Ndinoukhami-ani namwasa oi nditoidhiwa ira Yohova unaaukhomelani khondo thitho munogonji-a Sidadili. Pepani ndilanyedheni ira kamunodha pha miyo vambo-i naabalanga.’

Aisraelao tatom’mwandela Rahabi ira: ‘Ninoulanyedha ira mutu uliwethene unofuna dhakala m’mba mwaamu kanodha phiwa.’ Thitho tatom’mwandela ira: ‘Umangelele go-i ofiila vajanelaniva, ira weyo vambo-i naabalaa mubareleye.’

Va nyumbani ya Rahabi, go-i ofiila ungamangeleliwile va janelani, mbwenye nyumbiyo chaagwide vahora panda wa sidadi ya Yeriko vyagwa aliwa

Rahabi atoo-indi-edha basa go-i vokhumi-ana Aisraeli ambilao ira tadhowenga. Aliwa tatoodhowa mavithala mwangoni ta-anawelele wali Yoswa. Adhamale Aisraeli tatoovandela i-nje wa Yordani ira tarome landa ilambwiyo. Sidadi loroma gonji-iwa lali la Yeriko. Yohova atoawandela ira tarungunuwenga Sidadilo fendo imbo-i vadambo. Mbwenye vadambo la 7 atoawandela ira tarungunuwe fendo 7. Alimbo velela sembe tanoomba malipenga thitho anyakhondo tanookhuwa maningi. Adhamale machi-i a Sidadilo tatoogwa. Mbwenye nyumba ya Rahabi yeniyo yagumani-iwile nachi-ilo chaagwide. Rahabi vambo-i naatu abanjanimwee, tatoovulumuwa namwasa oi aliwa tanom’roromela maningi Yohova.

“Mofwanafwana na vyevi, n’nga Rahabi putule, kaaoniwile ira ngolongomana namwasa wa mabasee, angawachele pama atu tazondela ilambwiwa noakami-a ira tatawe dhela ndhila inango?”—Yakobo 2:25