Davide atom’pha Goliyati

Yohova atom’mwandela Samueli ira: ‘Udhowe nyubani wa Jese. Mwanee mwinango unodha kala mwene wa Israeli.’ Samueli atoodhowa thitho angam’moni mwana oroma wa Jese athuulela ira: ‘Unofuna dhakala mwene ngwen’na.’ Mbwenye Yohova atom’mwandela Samueli ira kai wenuo. Moi ee-no atom’mwandela thitho ira: ‘Miyo ndinoona rima wa mutu a-kala munoonela atu.

Jese atoodhana a-imee enango 6 mbwenye Samueli atom’mwandela ira: ‘Veva kavali uliwethene usakhunle Yohova. N’nga utokaana mwana mwinango?’ Jese atoonga ira: ‘U-adhi m’mbo-i wang’ono maningi. Dhinalee ndi Davide unodyi-a mabila ngulee.’ Davide angafiile Yohova atom’mwandela Samueli ira: ‘Ndisakunle wenuo.’ Samueli atom-ela makura vamuru va Davide. Vyevi vyathapulela ira utom’zoza ira akale mwene wa Israeli.

Vahora inango Aisraeli tatookhoma khondo na Afilisiti. Uikundu ya Afilisiti watookala mutu mwinango nlukulu thitho wa kopolo dhinalee Goliyati. Dambo nlilothene Goliyati anoonyoza Aisraeli. Aongecha ira: ‘Murume mutu ira adhawane na miyo. Aganyali, i-yo ninokala adhaarinyu. Mbwenye miyo ndaganyali nyo munokala adhaari-u.’

Davide atoofiya valimburo vali anyakhondo Aisraeli naifunelo yoi amaava-e abalee yodya. Angali weo, atoovwa vyaonga Goliyati. Davide aongile ira: ‘Miyo ndinodhowa ndimawane naliye.’ Mwene Sauli angavwide vyevyo aongile ira: ‘We uli mwana.’ Davide atoowakula ira: ‘Yohova unondikami-a.’

Sauli atoom’mwandela Davide ira atukule mafwaramento odhibarena na vyowaravyee, mbwenye liye atoonga ira: ‘Kandinooda wana khondo na vyongo vyothene vyevi.’ Ee-no adhamale atootukula biska nothithela i-njeni. Ee-no atoododa mabwee apama 5 no-ela isipastanimwee. Adhamale atooroma dhowa weo wali Goliyati. Goliyatuo angam’moni atoonga ira: ‘Mwanawee kadhauno ndiuphe thitho ukale yodya ya mbalame na vinyama.’ Davide kaaovile malomwee atom’mwakula ira: ‘Weyo unodhana mwalango na sarasada mbwenye miyo ndinodha mu dhina la Yohova. Kunowana na i-yo mbwenye na Nlungu. Penene uliwethene unoidhiwa ira Yohova ngwakopolo kwaranya sarasada na mwalango. Liye unonikami-a ira niugonji-eni nyo mwethene.’

Ee-no Davide atoo-ela libwe biskanimo noponya mwakopolo maningi. Yohova atookami-a moi libwelo latoodhowa mapovola muru wa Goliyati va koveni. Hora yeniyene Goliyati atoogwa nokwelatu. Afilisiti tangaoni vyevi tatooroma tawa. N’nga weyo unom’nyindela Yohova ninga mwemo mwairela Mwene Davide?