Vyaireile va mwangoni wa Karimeli

Umwene wamaziza 10 a Israeli mwatookala mamwene anjinji oira vyothakala. Mbwenye Mwene Ahabu ngwali wamakalelo othakala kwaranya othene. Liye athenle i-yana wa makalelo othakala wenuo alambela baala thitho dhinalee ali Yezebeli. Ahabu na Yezebeli tanoopha Anamaongela a Yohova thitho tatooiri-a ira atu anjinji awu Israeli talambelenga baala. N’nga Yohova airilen’ni? Atom’ruma namaongela Eliya ira amaonge milanyu wa Ahabu.

Eliya atoom’mwandela ira voi unoirana vyongo vyothakala, ilambo ya Aisraeli kamunorumbwave dhongwe. Wa vyawa vyokwaranya viraru, atu kataoda lima namwasa oi kwaarumbwa dhongwe. Ee-no muilambonimo mwatookala ndhala. Adhamale Yohova atom’ruma thitho Eliya wa Ahabu. Mwenuo aongile ira: ‘Weyo nguiri-idhe ira wa-arumbwe dhongwe.’ Mbwenye Eliya awakhunle ira: ‘Kabe kai miyo. Uiri-idhe ira dhongwe wa-arumbwe ngunyo namwasa oi munolambela baala. Gumani-ani atu naanamaongela a baala vadhulu va mwangoni wa Karimeli ira nimaone umboni wa vyevyo.’

Atu tatoogumaneyadi vamwangonivo. Ee-no Eliya atoawandela ira: ‘Sakhulani Nlungu ira mum’lambelenga. Akala Yohova ngu Nlungu waimbarimbari m’a-releni mbwenye akala baala ngu Nlungu waimbarimbari a-relani liye. Arumiwi 450 abaala tasaka-edhe sembe thitho tavephe wa nlungwiwa ira aka-e sembiyo. Miyo thitho ndinosaka-edha sembanga ndinom’vepha thitho Yohova ira akha-e. Nlungu unaode ka-a sembila, ngu Nlungu waimbarimbari.’ Atwao tatoorumela.

Anamaongela a baala tatoosaka-edha sembiwa. Tatoovepha wa nlungwiwa dambo lothene ira: ‘Nyo baala niwakhuleni!’ Mbwenye baala kaawakhunle. Ee-no Eliya atooroma atheya. Atoawandela ira: ‘M’mwitaneni mokhuwa maningi venango unaagona thitho venango vanofuneela mutu mwinango ira amam’venyathi-e.’ anamaongela abaala tatoodhowanave lobela fiyedhela na maulo mbwenye baaluo kaawakhule.

Adhamale Eliya ato-ela sembee vaiguwani nokhutulelavo ma-inje. Ee-no atoolobela ira: ‘Yohova ndinouvephani ira muire vyongo vyoi atwala taidhiwe ira nyo muli Nlungu waimbarimbari.’ Hora yeniyene Yohova atoothithi-a mulo khumela dhulu noka-a sembiyo. Atu tangaone vyevi tatooroma khuwa ira: ‘Yohova ngu Nlungu waimbarimbari.’ Eliya aongile ira: ‘Mu-inde anamaongela othene abaala.’ Vadambo leli anamaongela othene abaala okwakwana 450 tatoo-indiwa nophiwa.

Ee-no bara watooneya rambo m’ng’ono thitho Eliya atoom’mwandela Ahabu ira: ‘Unorumbwa dhongwe wakopolo. Gwelani galeta mudhowenga.’ Mo-odembuwa undhe watokala isi yarambo. Watookala liphevo lakopolo thitho adhamale dhongwe watooroma rumbwa. Veva pamalele ndhala. Ahabu atooroma tamangi-a galetalee naifunelo yoi dhongwe wa-am’fwanye. Mbwenye mokami-iwa na Yohova Eliya atootamanga fiyedha makwaranya galeta la Ahabunle. N’nga nyarwa dha Eliya dhagomenle veva? Ninoonani mu muru o-arela.