Umwene unofuna dhatonga modhowa nodhowa

Dambo n’nango nama-iyu, Nebukadinezara atooro-a vyoro-a vyodabwi-a. Vyoro-avyo vyatom’ruchi-a maningi voi kaaodileve gona okoka. Adhamale atooitani-a amasengee noawandela ira: ‘Ndiwandeleni, ndiro-idhen’ni.’ Amasengao taongile ira: ‘Muniwandele viro-idhe nyo thitho i-yo ninouwandelani vyothapulelavyee.’ Mbwenye Nebukadinezara aongile ira: ‘Khabe. Nyo mundiwandele viro-idhe miyo mwa-andiwandele ndinouphani.’ Aliwa tatoom’mwandela fendo yanambili ira: ‘Kaniwandeleni vyoro-avyo thitho i-yo ninouwandelani vyothapulelavyee.’ Liye atoonga ira: ‘Nyo mwethene munofuna mundinami-e. Kaongani. Ndiro-idhen’ni?’ Aliwa tatoowakhula ira: ‘Kavali mutu unaidhiwe viro-idhe nyo. Vyevyo pyo-oodeya.’

Nebukadinezara atoothakaleliwa maningi moi atootonga ira alombwana othene azelu taphiwe. Veva pyo-oira fuka ira Danieli, Sadiraki, Mesaki na Abidinego tangaphiwile. Danieli angavwide vyevi atoom’vepha Mwene ira am’va-e hora yoi aone vinaire liye. Adhamale liye naafweao tatoolobela wa Yohova ira aakami-e. N’nga Yohova airilen’ni?

Dhela mumasopenya, Yohova atoom’mwandela Danieli vyoro-a vya Nebukadinezara thitho vyothapulelavyee. Dambo lo-arela, Danieli atoodhowa wa anamalaba amwene ira: ‘Kamuphe mutu uliwethene. Miyo ndinamam’mwandelemo vyoro-avyo.’ Anamalabao tatoom’tukhula nom’dhowana wa Mwene. Tangafiile Danieli atoom’mwandela mwenuo ira: ‘Nlungu utouidhiwi-ani vinofuna dhaireya sogolou. Viro-idhe nyo ndivi: Mwatoona ifwano ilukhulu. Murwee wali waoro. Vamirimanivee na mandhee vyali vyasiliva, ingulu nathakwidhee dhali dhakhuwa, mendwee yali yamomba thitho manyalwee tali amomba thitho othangani-iwa na ulongo. Ee-no libwe lokhumela mwangoni latoophwanya manyalo aifwanoyo. Ifwanoyo yatoopwanyeya nosanduwa tumbulu thitho tumbululo latoomwadheya na lipevo. Libwenle latoulukhula nokala mwango nlukhulu thitho watookwakwana vailambo yothene yavathi.’

Ee-no Danieli atoonga ira: ‘Yothapulela ya vyoro-avinyuvi ndivi: Umweninyu ngu muru waoruo. Siliva unoimelela Umwene unofuna udha vasogolovinyu. Ee-no vanodhadha Umwene unango okala ninga khuwa wenuo unofuna dhatonga vailambo yothene. Vasogolo va Umwene wenuo vanodhadha Umwene olimba ninga momba. Vasogolovee vanodhadha Umwene ogaaneya, vikhunduvyee vinango vinodha kala vyolimba ninga momba, thitho vikhunduvyee vinango vinodha kala vyo-olimba ninga ulongo. Libwe laulukhule nokala mwangonle linoimelela Umwene wa Nlungu. Umwenuo unodha nonga Maumwene othene thitho unodha kalao modhowa nodhowa.’

Nebukadinezara angavwide vyevi, atookokora noorama fii-a kovee vathi. Ee-no atoonga ira: ‘Nlungwaa ngwenuo uuwandele vyoro-avi. Kavali Nlungu mwinango ofwanafwana naliye.’ Nebukadinezara atoom’va-a Danieli izo yoi aing’anelenga atu othene azelu. Atoom’ela thitho kala namatonga waikhundu yothene ya Babulo. N’nga utoona mwemo Yohova mwawakhulele liye lobelo la Danieli?