Yesu atoom’sakhula Saulo

Saulo ali wau Roma thitho abaliwele wu Tariso. Liye ali Farisi thitho atooidhiwa pama ilamulo ya Mose mbwenye anooidanana Makristau. Anowa-inda nodhowa maafungela perezoni. Liye atookalavo vahora atu othakaleliwa vyam’ponyedha aliwa Setefano mabwe fiyedhela m’pha.

Mbwenye Saulo kaakwakwanena manga Makristau awu Yerusalemu. Ee-no atoovepha wa ndimuwa waalimbo velela sembe rumeli-iwa ira ama-inde thitho Makristau amusidadi la Damasku. Mbwenye anga-adhi vang’ono fiya musidadimo mo-odedi-edhela atoona njeza thitho atoogwa vathi. Adhamale atoovwa madhu onga ira: ‘Saulo n’nga unondioni-edhani nyarwa?’ Liye atoowakhula ira: ‘N’nga nyo muli ani?’ Madhwale tatoovweya thitho ira: ‘Ndili Yesu. Dhowa wu Damasku thitho unamawandeliwe vyofwanela irana.’ Hora yeniyene Saulo atookala o-oona moi ate-indiwa wono nosogoleliwanga.

Wu Damasku watookala Kristau mwinango ororomeleya dhinalee Ananiya. Yesu atoom’mwandela Ananiya ira: ‘Udhowe ndhila yolinyali umafiye vanyumbani ya Yudasi nofuka vya mutu oitaniwa Saulo.’ Ananiya atoonga ira: ‘Mbwiye mutu wenuo nditom’mwidhiwa pama. Uno-inda anamafunjedha nodhowa maafungelanga perezoni.’ Yesu aongile ira: ‘Dhowa. Nditom’sakhula Saulo ira alaleelenga Milanyu yapama waatu amaziza manjinji.’

Ananiya atoodhowadi thitho angam’fwaidhe Saulo atoom’mwandela ira: ‘Balanga Saulo, Yesu utondiruma ira ndidhaudhule metwaa.’ Hora yeniyene Saulo atooroma ona. Atoidhiwa vyoonga Yesu thitho atookala namafunjedhee. Angabadiziwile atooroma laleela musinagoga. Ayuda tanoodabwa maningi tangaoni ira Saulo utoroma funji-a atu vya Yesu. Aliwa taonga ira: ‘Mutu wen’na kai a-inda anamafunjedha a Yesule?’

Saulo atoofunji-a atu awu Damasku wa vyawa viraru. Mbwenye Ayuda tanoom’mwidanana maningi thitho tatooira masaka-edho oi tam’phe. Abali tangavwide vyevi, tatoom’ela gogodani nom’khumi-edhana vajanelani la panda.

Saulo angafiile wu Yerusalemu, anoofuna ira akalenga vambo-i naabalee. Mbwenye abaleao tanoom’mova. Ee-no namafunjedha mwinango oitaniwa Baranaba, atom’riyela rima thitho atoom’dhowana wa Arumiwi noawandela ira Sauluo utochinja maningi thitho va-eni ngu Kristau. Saulo atooroma laleela molimba rima vambo-i na pingo wau Yerusalemu. Adhamale atooroma idhiweya na dhina loi Paulo.