Paulo na Timoteo

Timoteo ali bali wa zombwe wa pingo wau Listara. Babee ali Giriki mbwenye m’mee ali Muyuda. M’mee dhinalee ali Eunise thitho mbwiye ali Loisi. Timoteo atoofunjedha madhu a Nlungu romela angali mwana, thitho am’funji-a ali m’mee na mbwiyee Loisi.

Paulo angafiile wu Listara vaulendo wanambili, Atoozindiyela ira Timoteo unodhiveliwana maningi abalee thitho atookaana rima ofuna akami-a. Ee-no Paulo atoom’vepha Timoteo ira awendenga na liye. Paulo atom’funji-a Timoteo laleela thitho funji-a milanyu yapama mwadodoliso.

Zimu ochena wanom’khami-a Paulo na Timoteo uliwethene wadhowa aliwa. Dambo n’nango nama-iyu, Paulo atoona masopenya. Atoona mutu am’mwandelanga ira dhowa Umakedoniya umaakami-e. Paulo, Timoteo, Sila naatu enango tatoodhowa malaleela wu Makedoniya thitho tatookhaathei-a mipingo weo.

Tangafiile sidadi la Tezalonika, atu anjinji tatookhala Makristu. Mbwenye Ayuda anjinji tanoairela sanje Paulo naafweao. Aliwa tatookopa gulu laatu nom’thukula Paulo nafwee noadhowana waanamatonga asidadilo. Atwao tanookhuwa ira: ‘Atwala mbaamwidani a guverno la Roma!’ Veva ingumi ya Paulo na Timoteo yali vangovini. Ee-no dhuwa lingavirile tatootawela wu Bereya.

Atu awu bereya tali ofunechecha uvwa milanyu yaphama thitho agiriki na Ayudene tatookhala ororomeleya. Mbwenye Ayuda okhumela wu Tezalonika tangawelenle tatooromi-a gereve. Vingaireile ee-no Paulo atookumao nodhowa wu Atena. Timoteo na Sila tatoo-alela weo ira talimbi-e abali. Vangavirile hora, Paulo atoom’ruma Timoteo wu Tezalonika ira amalimbi-e abali aweo, enao taoni-iwa nyarwa maningi. Ee-no atoom’ruma thitho wu mipingo inango ira amaalimbi-e abali naarongola.

Paulo atoom’mwandela Timoteo ira: ‘Unofuna m’lambela Yohova unodha oni-iwa nyarwa.’ Timoteo atooni-iwa nyarwa thitho atoofungeliwa perezo namwasa olambela Yohova. Mbwenye Timoteo aona ira yeniyo yali ngaree yothonyi-edha ira ali ororomeleya wa Yohova.

Paulo atoawandela atu awu Filipi ira: ‘Ndinoruma Timoteo ira adhaufunji-eni vyofwanelela irana vom’lambela Nlungu thitho volaleela.’ Paulo anoira vyevyi namwasa oi Timoteo ali onyindeleya. Aliwa tanoovwelana maningi thitho tatoolambela Nlungu vambo-i wa vyawa vinjinji.