YOFUNJEDHA 6

Thapulelani movweya phama malemba

Juwau 10:33-36

MUNAIRE AVI?: Mwaleri lemba muongenga makhundo ofuneya mwa-anadhowe va lemba linango.

Sakhani madhu ofuneya. Mwaleri lemba musakhengavo madhu anavwelana na likhundo nlukhulu la mwasinyuwo. Munooda ira vyevyo mowelelawelela madhu ofuneya avandimanivo.

Akhala munofuna onga madhu moweli-edha mwire pholephole ira mwa-aonge madhu o-iyana na likhundo nlukhulu lavandimanivo. Atu anofwanela ona ira vinaonganyovyo vyili valembanivo.
Gogomedhani likhundo lofuneya linafunanyo ira atu talithuulelenga. Ongani mwemo madhu ofuneya takhalele aliwa o-indana na ndimiyo.

Mwamala leri lemba i-yani Bibilya linyu lodhulalene. Eeno atu tanoona ira vinaonganyovyo pyovwelana na vyaleri nyo valembanivo.
Ongani mo-orucha. Khamwinjivi-e onga madhu a-ali vandimanivo o-ovwelana na likhundo lofuneya la muruwo. Ira muode i-nda madhu ofuneya yoroma thuulelani viidhi atu valembalo.