YOFUNJEDHA 18

Mu-indi-edhenga basa madhu o-inda rima

1 Akoritiyo 9:19-23

MUNAIRE AVI?: Muirenga vyongo ira atu tathuulelenga vya mwasuo vo-indi-edha basa madhu o-inda rima waaliwa.

Muthuulelenga vile viidhi atu. Malo mowelelawelela madhu ale aidhi aliwa nyo munooda sakasaka madhu o-inda rima.

Mumalenga hora injinji voonga mathuulelo mapya thitho muvungule hora mwaonganga mathuulelo oidhiweya nawale.
Musakesakenga no thuulela. Mu-indi-edhenga basa madhu mapya venango milanyu yo-inda rima ira muonge makhundo ofuneya. Thuulelani vinjinji vya mwasinyu akhala makhundo anofuna nyo indi-edha basa anovwelana na mwasuo.

Ira viukhami-eni vokhozeela mudhifukenga mwekhene vyofukha ninga vi: Chini? Aniya? Wani? Elini? Mwasiwa? Moi avi? Mwasinyu unokhala o-inda rima mwadhifukanga vyofukha ninga vyevi norumela vahora inaonga nyo mwasuo.
Mutonyi-edhenga funeya wa mwasuo. Muongenga mwemo malemba a Bibilyani munaodele aliwa khami-a atu dambo na dambo. Muonge vyoireya mavweelo makhalelo movwelana na vili aliwa.