YOFUNJEDHA 11
N’nga munaire a-vi ira leri Bibilya uukami-engani maningi?
N’nga mwatoroma va-iwavo basa nlukulu mbwenye nyo ovanga roma lilaba? Pyoodeya ira venango mwatoligawa vikundu vikundu ira muode lilaba. Piyevyo vinairenyo ira muode leri Bibilya. Venango nyo munodhifuka ira, ‘ndinaromele vaavi?’ Muyofunjedha yei, ninodha tapanya ndhila dho-orucha dhinaukami-eni ira musangalalenga mwaleri thitho funjedha Bibilya.
1. Mwasiwa ngwan’ni ninofwanela leri Bibilya dambo nlilothene?
Mutu unoleri Bibilya venango ira “lamulo la Yohova,” dambo nlilothene unokala osangalala thitho vyongo vinomwendela pama. (Muleri Salimo 1:1-3.) Ira vyevi viodeye, dhilimbi-edheni leri Bibilya malambo othene maminuto oyeva. Vyevi vinoukami-ani ira muidhiwe pama madhu a Nlungu thitho mwaleringa Bibilya munoroma sangalala maningi.
2. N’nga munaire a-vi ira leri Bibilya uukami-engani?
Ira niodenga ganyalina leri wi-u Bibilya, ninofwanela “thuulelanga” vinoleri i-yo. (Yoswa 1:8, madhu achindo) Ee-no mwaleringa Bibilya mudhifukenga ira: ‘N’nga vyevi vinondifunji-an’ni vyoonga Yohova Nlungu? N’nga ndinavi-indi-edhe a-vi basa vaingumiyanga? N’nga ndina-indi-edhe a-vi basa vinoleri miyo ira ndikami-e atu enango?’
3. N’nga munaire a-vi ira mukaena hora yoleri Bibilya?
N’nga munoona ira pyorucha kaana hora yoleri Bibilya? Anjinji a i-yo vinonirucha. Mudhilimbi-edhenga “i-ndi-edha basa pama horinyu mofwanelela.” (Aefeso 5:16) Ira muode irana vyevi, munooda sakula hora yoleri Bibilya malambo othene. Atu enango tanosakula leri Bibilya namaebe-i. Enango tanosakula nathana, venango hora yovuma. Thitho enango tanosakula leri nama-iyu ta-anadhowe magona. N’nga nyo munasakule hora iivi?
FUNJEDHANI VINJINJI
Sakasakani vinairenyo ira mudhiveliwenga mwaleringa Bibilya. Funjedhani vinairenyo ira mukozeelenga pama naifunelo yoi funjedha Bibilyao uukami-engani maningi.
Mofwanafwana namwemo munoirela i-yo ira nirome dhiveliwana vyodya vyo-iyana-iyana, pyoodeya roma dhiveliwana leri Bibilya
4. Mudhiveliwengana leri Bibilya
Hora dhinango ninorucheya ira nirome leri Bibilya. Mbwenye, ninooda “kaana rima ofunechecha” leri Bibilya. Ninga mwemo mutu munairela liye ira arome dhiveliwana udya yodya ya-anadyevo liye. Muleri 1 Pedru 2:2, mwamala mutapanye yofuka yo-arelai:
N’nga munoona ira leri Bibilya malambo othene unoukami-ani ira murome lidhiveliwana maningi nofunechecha leri vyongo vinjinji?
Muonele VIDIYO ira muone vyairile atu enango ira tadhiveliwengana leri Bibilya. Mwamala mutapanye vyofuka vyo-arelavi.
Vidiyonimu, pyorucha viivi vyalimbanana azombwe?
N’nga pivyongo viivi vyaakami-idhe ira ta-a-iyachi leri Bibilya dambo lililothene?
N’nga tairilen’ni ira leri Bibilya waasangalali-enga?
Vinaukami-eni ira murome leri Bibilya:
Sakulani Bibilya lothapuleliwa pama thitho lo-orucha vwechecha. Munooda leri Bibilya la Baibulo la Dziko Latsopano akala litokalavo muiyongelo inyu.
Romani leri bukhu linodhiveliwananyo maningi. Ira muirena vyevi, muone kwadru loi “Romani leri Bibilya.”
Mulembe makapitulo amadhinyo leri. Mu-indi-edhe basa kwadru loi “Mulembe makapitulo amadhinyo leri” linofwanyeya mubukhunimu.
Mu-indi-edhe basa aplikativu wa JW Library®. Aplikativu wen’na unoukami-ani leri novuruwana Bibilya mutelefonini mwinyu, mutabuleti, venango komputadoreni.
Mu-indi-edhenga basa madhu akomoni Baibulo la Dziko Latsopano. Munofwanyamo mapa, makwadru, nothapuleliwa wa madhu enango. Vyevyi vinaukami-ani ira mudhiveliwana leri Bibilya.
5. Mukozeelenga vinofunanyo mafunjedha
Muleri Salimo 119:34, mwamala mutapanye yofuka yo-arelai:
Mwasiwa ngwan’ni munofwanela ira lobelo mwa-anarome leri venango kozeela funjedha Bibilya?
N’nga munaire a-vi ira muganyalinga maningi na yofunjedha iliyothene? Mwakozeelanga yofunjedha iliyothene, muvilimbi-edhenga irana vi:
Lerini ndima dhoroma.
Muleringa malemba anofwanyeya mwemo noona mwemo munovwelanela aliwa namwasuo.
E-lani izindiyelo va yowakula ya yofuka iliyothene; irana vyevyi unodha ukami-ani vanotapanyanyo yofunjedha yei nanamafunji-inyu.
N’nga mutoidhiwa?
Amboni dha Yohova takanle ta-indi-edhanga basa Mabibilya o-iyana-iyana. Mbwenye ninodhiveliwa indi-edha basa Baibulo la Dziko Latsopano la malemba Opatulika namwasa oi linoonga vyaimbarimbari, to-orucha vwechecha, thitho lino-indi-edha basa dhina la Nlungu.—Muone mwasa wavasaitini oonga ira “Kodi a Mboni za Yehova Ali Ndi Baibulo Lawolawo?”
ATU ENANGO ANOONGA IRA: “Leri Bibilya unochenyeli-a maningi. Kandinaode namwasa oi ndinokalecha opingeya maningi.”
N’nga nyo munoona a-vi?
MAKUNDO OGWANDELA
Ira muganyalinga voleri Bibilya, mukaengana hora yoleri, lobela ira mulivwecheche pama, thitho mukozeelenga mwa-anarome funjedha.
Vyofuka vyowelela
N’nga chini inaukami-eni ira muganyalinga maningi voleri Bibilya?
N’nga njihora iivi inasakulenyo ira muodenga leri nofunjedha Bibilya?
Mwasiwa ngwan’ni munofwanela kozeela yofunjedha iliyothene?
IDHIWANI VINJINJI
Mufwanye makundo enango anaukami-eni ira muganyalinga maningi voleri Bibilya.
“Kodi Mungatani Kuti Kuwerenga Baibulo Kuzikusangalatsani?” (Nsanja ya Olonda, No. 1 wa 2017)
Muone ndhila taaru dhokami-a voleri Bibilya.
Muone vinairenyo ira mudhiveliwengana leri Bibilya.
Atu enango takanle taleringa Bibilya hora yolapela anooda ukami-ani idhiwa ndhila dhinango dholerina Bibilya.