YOFUNJEDHA 01
N’nga Bibilya linaukami-eni a-vi?
Vinooneya ira i-yo othene ninokaechana vyofuka vya ingumi, nyarwa, wukwa na sogolo li-u. Thitho ninosamalelecha vyongo vya dambo na dambo ninga kaana kobiri nofwanya banja losangalala. Atu anjinji atozindiela ira Bibilya linorumela vyofuka vyofuneya maningi vyoonga ingumi, thangani-avo velela malangi-o apama onikami-a kaana ingumi yosangalala. N’nga nyo munoona ira Bibilya linooda mkami-a mutu um’mwidhinyo?
1. N’nga pyofuka viivi vinowakula Bibilya?
Bibilya linowakula vyofuka vyofuneya maningi. Mofwanafwani-a n’nga ingumi iromile a-vi? N’nga ifunelo yaingumi chini? Mwasiwa ngwan’ni atu anoona nyarwa? N’nga chini inoireya mutu akwa? Mwasiwa ngwan’ni utokala khondo dhinjinji angalive ira atu anofuna rendele? N’nga chini inofuna ireya vailambo yavathi? Fuka vyofuka ninga vyevi ka-i odaweya. Mamiliau aatu anjinji atozidiyela ira vyowakula vya Bibilyani pyovweya.
2. N’nga Bibilya linanikami-e a-vi kaana ingumi yapama dambo na dambo?
Bibilya linovelela malangi-o apama. Mofwanafwani-a linokami-a mabanja kaana imwerumweru yaimbarimbari. Linoniwandela mwemo munaode i-yo limbanana nyarwa thitho kala waimwerumweru vabasa lina i-yo. bukuli linoukami-ani idhiwa vyevyo vinofunji-a Bibilya vamyasa dhedhi na myasa dhinango. Ee-no munodha rumelela ira “Malemba othene [venango nionge ira Bibilya lipumbula] . . . mboganyali-a.”—2 Timoteo 3:16.
Bukuli kalinavolowa malo mwa Bibilya. Mbwenye mwaimbarimbari linodha ukami-ani funjedha Bibilya. Ee-no mudhilimbi-edhenga leri malemba othene alembiwile mubukunimu, thitho mufwanafwani-enga vinoonga Bibilya na vinofunjedhanyo.
FUNJEDHANI VINJINJI
Onani mwemo Bibilya munakami-edha aliwa atu na mwemo munasangalalelenyo voleri Bibilya mwasa oi ndipama kami-iwa ira muode vwechecha vinoonga aliwa.
3. Bibilya linooda nisogolela
Bibilya nli ninga wala wa laterna. Linonikami-a sakula vyongo vyapama na vinofuna dhaireya sogolo.
Muleri Salimo 119:105, mwamala tapanyani vyofuka vyo-arelala:
N’nga mulimbo lemba Masalimula athuulelan’ni mwasa wa Bibilya?
N’nga nyo munathuulelan’ni vyoonga Bibilya?
4. Bibilya linowakula vyofuka vi-u
Onani mwemo Bibilya mwamkami-ile aliwa prosora mwinango fwanya vyowakula va vyofuka vya-avwechecha liye wa vyawa vinjinji. Onelani VIDIYO, mwamala tapanyani vyofuka vyo-arela.
Vidiyonimu pivyofuka viivi vyana prosorula?
N’nga funjedha Bibilya wamkami-idhe a-vi?
Bibilya linonilimbi-a fwanya vyowakula va vyofuka vinokaana i-yo. Muleri Mateu 7:7, mwamala tapanyani yofuka yo-arela:
N’nga pyofuka viivi vinaonanyo ira Bibilya linooda uwakulani?
5. Mudhiveliwenga leri Bibilya
Atu anjinji anodhiveliwana leri Bibilya, vyevi pyokami-a vinjinji waaliwa. Muonele VIDIYO, mwamala tapanyani vyofuka vyo-arela.
Vidiyonimu, mwasiwa ngwan’ni azombwe katadhiveliwa leri Bibilya?
N’nga ee-ni mwasiwa ngwan’ni aliwa tanodhiveliwana leri Bibilya?
Milanyu ya Bibilyani inonididili-a rima noniva-a idedi-edho. Muleri Aroma 15:4, mwamala tapanyani yofuka yo-arela:
Mwangadhiveliwile idhiwa vyolanyedha vya Bibilyani yoonga didili-iwa na idedi-edho?
6. Atu enango anooda nikami-a vwechecha pama Bibilya
I-yavo leri Bibilya wavaoka, atu anjinji atozindiela ira wandela atu enango vinofunjedha aliwa kokami-a vinjinji. Muleri Mayirelo 8:26-31, mwamala tapanyani yofuka yo-arela:
N’nga ninaode a-vi vwechecha pama vinoonga Bibilya? (Onani maversu 30 na 31.)
Lombwana mwinango anofuna kami-iwa ira avwecheche vinoonga malemba. Atu anjinji malamboano anothuulela ira pyokami-a tapanya naatu enango vyongo vyoonga Bibilya
ATU ENANGO ANOONGA IRA: “Funjedha Bibilya kutatila hora.”
N’nga aakale nyo mwaawakule a-vi? N’nga mwasiwa ngwan’ni?
MAKUNDO OGWANDELA
Bibilya linovelela malangi-o a dambo na dambo, linowakula vyofuka vyofuneya vyonididili-a rima, noniva-a idedi-edho.
Vyofuka vyowelela
N’nga Bibilya linovelela malangi-o vamyasa iivi?
N’nga Bibilya linowakula vyofuka viivi?
N’nga pivyofunjedha viivi vyokumela Bibilya vinaodenyo vidhiveliwana?
IDHIWANI VINJINJI
Onani mwemo malangi-o okumela Bibilyani munokami-ela aliwa malamboano.
“Mfundo za M’Baibulo—Sizikalamba” (Nsanja ya Olonda N.º 1 2018)
Onani mwemo Bibilya mwamkami-edhe aliwa lombwana mwinango alimbanana mathuulelo odaweya romela angali mwana.
Zindiyelani malangi-o okumela Bibilyani ira muode kaana banja losangalala.
“Mfundo 12 Zothandiza Kuti Banja Liziyenda Bwino” (Galamukani! N.º 2 2018)
Atu anjinji anoonga ira Nlungu ngunatonga ilambo yavathi. N’ga vyevyo pyaimbarimbari? Onani vinoonga Bibilya.