YOFUNJEDHA 30
Abalinyu naafwinyu takwide tanodha kaana akoka ingumi!
Balinyu venengo fwinyu akwa, vinokala vyopa maningi. Ngumwasiwa Bibilya linoonga ira wukwa ngu mwidani. (1 Akoritiyo 15:26) Yofunjedha 27, mutofunjedha ira Yohova unodha gonji-a mwidani wen’na. N’nga chin’ni inofuna dhaireela atu takwide? Muyofunjedha yei, ninoona yongo inango yosangalali-a maningi yalanyedhile Yohova yoonga atu takwide. Liye atolanyedha ira unodha venyathi-a atu anjinji takwide ira tadhakaena ingumi yodhowa nodhowa. N’nga nyo munoona ira vyevi vinodha ireyadi? N’nga atu tanofuna dhavenyathi-iwa tanodha kala wani, dhulu venango vailambo yavathivano?
1. N’nga Yohova unofuna dhaairelani abali-u na afwi-u takwide?
Yohova unofunechecha dhavenyathi-a atu takwide. Yobo, oi ali mutu wairoromelo, kaakaikela ira adhakwa Nlungu unodha m’venyathi-a. Liye atom’mwandela Nlungu ira: “Nyo munodha ndiitana, thitho miyo ndinodha rumela [kumela masiyeni].”—Muleri Yobo 14:13-15.
2. N’nga ninoidhiwa a-vi ira atu takwide tanodha venyathi-iwa?
Yesu angali vailambo yavathivano, Nlungu atom’va-a kopolo dhovenyathi-a atu. Mofwanafwani-a, Yesu atom’venyathi-a sikana wa vyawa 12 thitho mwana wa lombwana wa i-yana mwinango wamakwele. (Marku 5:41, 42; Luka 7:12-15) Vahora inango Lazaro, oi ali fwee Yesu, atokwa. Yesu atom’venyathi-a Lazaro angalive ira vatoovira malambo 4 angali masiyeni. Yesu angalobenle wa Nlungu atokuwa ira: “Lazaro kuma!” Ee-no “Mutu akwideo atokuma.” (Juwau 11:43, 44) Vevo abalee naafwe a Lazaro tatosangalala maningi.
3. N’nga abalinyu naafwinyu takwide tanodha kaana okoka ingumi?
Bibilya linonilanyedha ira: “Unodha kala venyathi-iwa muukwani.” (Mayirelo 24:15) Atu othene avenyathi-iwile na Yesu angali vailamboi, katadhowile dhulu. (Juwau 3:13) Aliwa tatosangalala maningi venyathi-iwa ira takaena okoka ingumi vailambo yavathivano. Mofwanafwana na vyevi, Yesu unodha venyathi-a atu anjinji ira tadhakaena okoka ingumi paradaizoni vailamboi modhowa nodhowa. Liye atoonga ira “atu othene tali masiyeni aithuulelo” tanodha venyathi-iwa. Atu anoathuulela Nlungu tanothangani-avo atu othene aadiwanle i-yo thitho oi kaninoaidhiwa.—Juwau 5:28, 29.
FUNJEDHANI VINJINJI
Sakasakani ira muidhiwe mwasiwa Bibilya linoonga ira Yesu utokaana kopolo dhovenyathi-a atu takwide thitho ira unodha ira vyevi sogolo. Muone mwemo idhiwa ira atu okwa tanodha venyathi-iwa munaudidili-eni aliwa rima thitho kaana idedi-edho.
4. Vyairile Yesu nguumboni oi unodha venyathi-a atu takwide
Idhiwani vinjinji vyoonga vyairile Yesu vom’venyathi-a Lazaro. Muleri Juwau 11:14, 38-44, mwamala mutapanye vyofuka vyo-arelavi:
N’nga ninoidhiwa a-vi ira Lazaro atookwadi?—Muone verso 39.
Akaale ira Lazaro atodhowa dhulu, n’nga vingakanle vyovweya ira Yesu amvenyathi-e kumela dhuluo m’dhanee vailambo yavathivano?
5. Atu anjinji tanodha venyathi-iwa
Muleri Salimo 37:29, mwamala mutapanye yofuka yo-arelai:
N’nga atu anjinji tanofuna dhavenyathi-iwa tanodha kala wani?
Yesu unodha venyathi-a atu anjinji, thangani-avo atu oi katalambela Yohova. Muleri Mayirelo 24:15, mwamala mutapanye yofuka yo-arelai:
N’nga mbaani unadhiveliwilena nyo dham’mona adhavenyathi-iwa?
Thuulelani vi Yesu kanarucheya venyathi-a mutu ukwidhe molandana na mwemo munovenyi-a baba mwanee unogona
6. Idhiwa ira atu okwa tanodha venyathi-iwa unoudidili-ani rima thitho uva-ani idedi-edho
Mwasa wa Bibilyani wa mwana wa i-yana wa Jairo utolimbi-a nodidili-a rima atu anjinji takweliwile. Muleri mwasula oi watoireyadi va lemba la Luka 8:40-42, 49-56.
Yesu a-anavenyathi-e mwana wa i-yana wa Jairo, atom’mwandela babee mwanuo ira: “Kuove, ukaena iroromele baa-i.” (Muone versu 50.) N’nga idedi-edho yoi atu okwa tanodha venyathi-iwa inaukami-eni a-vi . . .
balinyu venango fwinyu akwa?
ingumi inyu yakala vangovini?
Muonele VIDIYO, mwamala mutapanye yofuka yo-arelai.
N’nga idedi-edho yoi atu okwa tanodha venyathi-iwa yakami-idhe a-vi anamabala a Phelicity?
ATU ENANGO ANOONGA IRA: “Atu akwide anodha kaana ingumi dhulu a-kala vailambo yavathivano.”
Nyo munothuulela a-vi?
N’nga munaleri lemba livi vofuna akami-a idhiwa ira atu anjinji anofuna dhavenyathi-iwa tanodha kala vailamboi?
MAKUNDO OGWANDELA
Bibilya linoonga ira atu anjinji takwide tanodha venyathi-iwa. Yohova unofuna ira atu enala tadhakaena akoka ingumi thitho atom’va-a Yesu kopolo dhoi adhaavenyathi-e..
Vyofuka vyowelela
N’nga ninoidhiwa a-vi ira Yohova na Yesu tanofunechecha dhavenyathi-a atu akwide?
N’nga atu tanofuna dhavenyathi-iwa tanodha kala wani, dhulu venango vailambo yavathivano? Mwasiwa ngwani munoonga e-no?
Chini inouiri-ani roromela ira abalinyu naafwinyu takwide tanodha venyathi-iwa
IDHIWANI VINJINJI
Muone makundo anaukami-ene mwakweliwa.
“Mfundo Zothandiza Amene Aferedwa” (Galamukani! No. 3 wa 2018)
N’nga makundo a Bibilyani anokami-adi mutu ukweliwile?
N’nga a-ima tanaire a-vi ira tavilele ukwa wa fwiwa venango baliwa?
N’nga vatokala atu enango oi takwa tanodhowa dhulu? N’nga mbaatu a-vi oi katinadha venyathi-iwa?
“Kodi Mawu Akuti Kuuka kwa Akufa Amatanthauza Chiyani?” (Mwasa wavasaiti)